| ტურისტებისთვის ეგვიპტე სახიფათო ხდება |
|
31/01/2011 18:24 (477 დღე 15:12 minutes ago) | |||||||||||
საქართველოს საგარეო საქმეთა სამინისტრომ ქვეყნის მოქალაქეებს გასული კვირის ბოლოდან დღეს უკვე მესამედ მოუწოდა, თავი შეიკავონ ეგვიპტეში გამგზავრებისგან.
საგარეო საქმეთა მინისტრის მოადგილის, ნინო კალანდაძის, განცხადებით, არსებობს ეგვიპტის მიმართულებით დამატებითი ავია რეისების დანიშვნის შესაძლებლობა და საქართველოს მოქალაქეებს, რომლებსაც სამშობლოში დაბრუნება სურთ, შეუძლიათ ამ რეისებით ისარგებლონ.
ამასთან, ავია კომპანია ” აირზენა ს” საზოგადოებასთან ურთიერთობის მენეჯერმა, ნინო გიორგობიანმა, სააგენტო “ინტერპრესნიუსს” აცნობა, რომ ტურისტულ სააგენტოებს ეგვიპტის მიმართულებით დამატებითი ჩარტერული რეისების შესრულება ჯერჯერობით არ უთხოვიათ. ნინო გიორგობიანის ინფორმაციით, დღეს ღამით კომპანიის თვითმფრინავით თბილისიდან ეგვიპტის საკურორტო ქალაქ შარმ ელ შეიხში გამგზავრებას 82 ადამიანი აპირებს.
სტატია მომზადებულია რადიო თავისუფლების ქართული რედაქციის მიერ. პირველად გამოქვეყნდა რადიო თავისუფლების ვებგვერდზე.
მხოლოდ დარეგისტრირებულ მომხმარებლებს, ან ფეისბუკის ქსელის წევრებს შეუძლიათ კომენტარის დაწერა! |
|
|
