ამერიკული კომპანიების შემდეგ ევროკავშირის გეგმებს, შეზღუდოს თვითმფრინავების მავნე გამონაბოლქვი, ჩინური ავია კომპანიებიც ეწინააღმდეგებიან და სასამართლოში ჩივილს აპირებენ, იუწყება რადიო კომერსანტი.

Email Print TwitterFacebookMySpace DelicousStumbleDigg More Destinations... ADVERTISEMENT

წაიკითხე სმარტფონში

ჩინეთის უმსხვილესი ავია კომპანიები – Air China, China Southern–ი და China Eastern–ი გეგმავენ, ევროკავშირს იმის გამო უჩივლონ, რომ ეს უკანასკნელი 2012 წლიდან გეგმავს, ავია ცია მთლიანად ჩართოს გამონაბოლქვის ემისიის კვოტების გაცვლის სქემაში. ამ სისტემის ამოქმედებით ევროკავშირში მიმავალი რეისებისთვის ჩინეთს წელიწადში 122 მილიონი დოლარის (800 მილიონი იუანი) გაღება მოუწევს, 2020 წელს კი ჩინური ავია კომპანიების ხარჯები 3 მილიარდ იუანს მიაღწევს.

სამი ჩინური ავია კომპანიის სარჩელს, შესაძლოა, კიდევ ერთი კომპანია – Hainan Airlines–ის შეუერთდეს.

მანამდე ევროკავშირის ინიციატივას უკანონო უწოდეს და მის წინააღმდეგ სარჩელი სასამართლოშიც შეიტანეს აშშ–ის ავია კომპანიებმა, რომელთა მარშრუტებიც ევროკავშირის ტერიტორიას კვეთს. სარჩელის არსი იმაში მდგომარეობს, რომ აღნიშნული სისტემა ავია გადამზიდავების უფლებებს ზღუდავს და ევროკავშირის მხრიდან ცალმხრივ ხასიათს ატარებს.
СО2–ის გამონაბოლქვის კვოტირების შემოღებას ევროკავშირი შემდეგი მექანიზმით აპირებს: მოცულობის 85%–ს ავია კომპანიები უფასოდ მიიღებენ, 15% კი აუქციონზე გავა. კომპანიებს შეუძლიათ, უფასო კვოტების გამოუყენებელი ნაწილი სხვა გადამზიდავებს მიყიდოს.

აღნიშნული ნორმა ვრცელდება არა მხოლოდ ევროპულ, არამედ სხვა კომპანიებზეც, რომელთა რეისები იწყება, სრულდება ან გადის ევროკავშირის ტერიტორიაზე.

Related Stories

• სამთა ნუნისში დამსვენებლების რეკორდული სიმრავლეა
• ლევან კალანდაძე: წელს აჭარა ტურისტების ტოტალურ შიმშილს განიცდის
• საქართველოში "ტურიზმის კარიერის კვირეული" გაიმართება