ინტერპრესნიუსის ცნობით, ტურიზმის ეროვნული სააგენტო საქართველოში ახალი მიმართულების, MICE ტურიზმის განვითარებაზე მუშაობას იწყებს.
|
| წაიკითხე სმარტფონში |  |
|
MICE (Meetings, Incentives, Conferences, and Exhibitions) ტურიზმი არის ტურისტული მიმართულება, რომელიც ორიენტირებულია მსხვილ ორგანიზებულ კორპორატიულ და პროფესიულ ტურებზე. აღნიშნული მიმართულება ასევე მოიცავს კონკრეტულ ივენთებს (მაგ: ქორწილი, დაბადების დღე) და კრებებს (ყრილობებს).
ტურიზმის ეროვნული სააგენტო პირველ ეტაპზე გეგმავს MICE ტურიზმისთვის ქვეყანაში არსებული ინფრასტრუქტურის დეტალურ ინვენტარიზაციას, კატალოგის შექმნას, MICE ტურიზმის ასოციაციებში გაერთიანებას, სპეციალიზირებულ გამოფენებში მონაწილეობას, სადაც მოხდება ქვეყნის ამ მიმართულებით რეკლამირება. ასევე, იგეგმება MICE ტურიზმის აგენტებთან მჭიდრო კავშირის დამყარება, მათთვის ინფოტურების საშუალებით ქვეყნის პოტენციალის გაცნობა.
ღონისძიებას დაესწრებიან სასტუმრო ბიზნესი ს წარმომადგენლები, ტუროპერატორები, ევენტ კომპანიები.
MICE ტურიზმი მსოფლიო ში ტურიზმის ერთ-ერთი ყველაზე მაღალშემოსავლიანი და სწრაფად მზარდი დარგია. საერთაშორისო კონგრესისა და კონვენციის ასოციაციის (ICCA) სტატისტიკაზე დაყრდნობით მსოფლიო ში ყოველწლიურად 400 000 კონფერენცია და გამოფენა იმართება რომელთა ჯამური დანახარჯი 280 ბილიონ აშშ დოლარს აღემატება. გამოფენების ინდუსტრიის გლობალური ასოციაციის (UFI) მონაცემებით კი MICE ინდუსტრიის ღირებულება წლიურად 1.16 ტრილიონს აჭარბებს.
ახალი ინიციატივის პრეზენტაციას ტურიზმის ეროვნული სააგენტოს თავმჯდომარე მაია სიდამონიძე ტურიზმის საინფორმაციო ცენტრში დღეს გამართავს.
Related Stories
