| თბილისის 644 მილიონიანი ბიუჯეტიდან კურორტ გუდაურის განვითარებაზე მილიონნახევარი დაიხარჯება |
|
30/08/2011 13:03 (266 დღე 20:47 minutes ago) | |||||||||||
|
თბილისის გაზრდილი ბიუჯეტიდან კურორტ გუდაურის განვითარებას მილიონნახევარი ლარი მოხმარდება, იტყობინება რადიო კომერსანტი.
თუმცა ადრე გავრცელებული ინფორმაციით, გუდაურის განვითარებისთვის 2,5 მილიონის დახარჯვა იგეგმებოდა. დედაქალაქის მერიას გუდაური სამართავად მიმდინარე წლის მაისსი გადაეცა. პროექტის თანახმად, გუდაური 4 სეზონის კურორტად იქცეს. როგორც მერიაში აცხადებენ, შესაბამისი ინფრასტრუქტურის მოწყობის შემდეგ ტურისტები ამ კურორტით არამხოლოდ ზამთრობით, ნებისმიერ სეზონზე უნდა დაინტერესდნენ. თბილისის მერია პროექტის ფარგლებში ადგილობრივი ინფრასტუქტურის განვითარებას უზრუნველყოფს, გაუმჯობესდება არსებული და მოეწყობა ახალი სათხილამურო ტრასები და საბაგირო, დაიგება ევროპული სტანდარტების გზები, მოხდება ელექტრო ენერგიისა და წყლის უწყვეტი მომარაგება, შეიქმნება დასუფთავების სამსახური, პარკირებისათვს გამოიყოფა ტერიტორიები, კურორტს 24 საათის განმავლობაში სასწრაფო, სამაშაველო და სახანძრო სამსახური მოემსახურება. გუდაური აღიჭურვება თანამედროვე თოვლის სატკეპნი მანქანებით, მოეწყობა გასართობი ცენტრები. კურორტზე უკაბელო ინტერნეტი იმუშავებს. აქვე ინფორმაციისთვის: თბილისის დედაქალაქის ბიუჯეტის 9,8 მილიონი ლარით - 644 მილიონამდე გაზრდა საკრებულომ მიმდინარე კვირის ბოლოს დაამტკიცა.
მხოლოდ დარეგისტრირებულ მომხმარებლებს, ან ფეისბუკის ქსელის წევრებს შეუძლიათ კომენტარის დაწერა! |
|
|
