„ამინდის ცვლილება ჩვენს დამსვენებელზე არ მოქმედებს“
|
| წაიკითხე სმარტფონში |  |
|
რადიო კომერსანტის ცნობით, სამთა ნუნისი მიმდინარე სეზონზე დამსვენებელთა რაოდენობის განსაკუთრებით მატებაზე საუბრობს. ამ დრომდე მხოლოდ აგვისტოში კურორტმა 60 ადამიანს უმასპინძლა, რაც კურორტის ადმინისტრაციის თქმით, მაღალი მაჩვენებელია. ასევე მაღალ აქტივობას ელიან სექტემბერშიც.
როგორც commersant.ge-ს სასტუმროს ადმინისტრაციაში განუცხადეს, აგვისტო სრულად არის დატვირთული, რაც შეეხება სექტემბერს, რამდენიმე შეკვეთა უკვე არსებობს. „ველოდებით, რომ სექტემბრის ბოლომდე დაიჯავშნება ყველა ნომერი. აქ სეზონი მაისის ბოლოდან იწყება და სექტემბრის ბოლომდე გრძელდება. ამინდის ცვლილება ნუნისში დამსვენებელზე არ მოქმედებს, რადგან აქ ადამიანი კონკრეტული დაავადების სამკურნალოდ ამოდის და შესაბამისად, მისთვის ამინდს მნიშვნელობა არა აქვს,“ – ამბობენ სამთა ნუნისში.
წელს სამთა ნუნისი გაცილებით უკეთესი პირობებით დახვდა დამსვენებელს. თითოეულ კოტეჯს საკუთარი სველი წერიტილი დაუმონტაჟდა, სველი წერტილები ინდივიდუალურად განლაგდა სასტუმროს ნომრებშიც. ამასთან, სასტუმროს აქვს ინტერნეტი და ანიმატორი.
სამთა ნუნისში დასვენება კოტეჯში სამჯერადი კვებით 60 ლარიდან 95 ლარამდე, ხოლო სასტუმროში 95 ლარიდან 155 ლარამდე ჯდება.
Related Stories
