წელს ხელისუფლება ქვეყანაში 3 მილიონი ტურისტის შემოსვლას ელოდება, რაც შარშანდელთან შედარებით 45%–ით გაუმჯობესებული მაჩვენებელია. რადიო კომერსანტის ცნობით, ბოლო ინფორმაციით, საქართველოს კურორტებზე წელს უკვე დაისვენა ქვეყნის
დაახლოებით 900 ათასმა მოქალაქემ, რაც შარშანდელთან შედარებით 40%–ით
გაზრდილი მონაცემია.
|
| წაიკითხე სმარტფონში |  |
|
ტურიზმის დეპარტამენტის ცნობით, დაახლოებით იგივე პროცენტული ზრდა ფიქსირდება შიდა ტურიზმის სეგმენტში. ბოლო ინფორმაციით, საქართველოს კურორტებზე წელს უკვე დაისვენა ქვეყნის დაახლოებით 900 ათასმა მოქალაქემ, რაც შარშანდელთან შედარებით 40%–ით გაზრდილი მონაცემია.
ერთ–ერთი ყველაზე მკვეთრი ზრდა აჭარაში აღინიშნა, სადაც, დეპარტამენტის მონაცემებით, უკვე ჩავიდა მემილიონე ტურისტი. აქედან 626 ათასი დამსვენებელი საქართველოს მოქალაქეა. ეს გასული წლის იანვარ–აგვისტოს მაჩვენებელზე თითქმის 99%–ით მეტია.
შიდა ტურიზმის ზრდას რკინიგზის მონაცემებიც ადასტურებს: მათი სტატისტიკით, წელს საქართველოს რკინიგზა რეკორდული რაოდენობის მგზავრს გადაიყვანს, თუმცა რკინიგზაში კონკრეტულ ციფრს ამ ეტაპზე არ ასახელებენ. მათი ინფორმაციით, ივნისი-ივლისის თვის მონაცემებით გადაყვანილია ერთ მილონზე მეტი მგზავრი. სამგზავრო გადაყვანებიდან შემოსულმა თანხამ კი ხუთ მილიონ ნახევარი ლარი შეადგინა. აგვისტოს მონაცემების დაჯამება რკინიგზაში ამჟამად მიმდინარეობს.
შედარებისთვის: მთელ შარშანდელ საკურორტო სეზონზე 700 ათასი მგზავრი იქნა გადაყვანილი, რაც იმ ეტაპზე ბოლო წლების რეკორდულ მაჩვენებლად დასახელდა. მგზავრთა ნაკადის ზრდა, თუმცა არა ასეთი მასშტაბური, ფიქსირდება ავტობუსების სეგმენტშიც.
როგორც commersant.ge–ს ოკრიბას ავტოსადგურიდან აცნობეს, წინასწარი მონაცემებით, შარშანდელი წლის ზაფხულის სეზონთან შედარებით წელს მათი სერვისით 15%–ით მეტმა მგზავრმა ისარგებლა.
შეგახსენებთ: ექსპერტების ნაწილი წლევანდელ სეზონზე ტურისტების სიმცირეზე საუბრობს. თუმცა ხელისუფლება ამ შეფასებას კატეგორიულად უარყოფს და ტურისტების რაოდენობის მკვეთრ ზრდაზე საუბრობს. ოფიციალური სტატისტიკით, რომელიც ივლისს მოიცავს, ქვეყანაში უკვე შემოვიდა 1,5 მილიონი ტურისტი, 1,5 მილიონ დამსვენებლის შემოსვლა კი წლის ბოლომდეა ნავარაუდევი.
Related Stories
