რადიო კომერსანტის ცნობით, 1 თებერვლიდან თბილისიდან ფრენებს 5-ვარსკვლავიანი ავია კომპანია Qatar Airways-ი იწყებს.
|
| წაიკითხე სმარტფონში |  |
|
რეისები დოჰა–თბილისის მიმართულებით შესრულდება. 2012 წლის განმავლობაში ქართულ ავია ბაზარზე კიდევ რამდენიმე ავია კომპანიის შემოსვლა იგეგმება, ესენია: Estonian Air, Alitalia, Air Arabia და სხვა.
როგორც TAV Georgia–ს გენერალურმა მენეჯერმა მეთე ერქალმა commersant.ge -სთან საუბარში განაცხადა, Alitalia-s შემოსვლის შემდეგ მგზავრებს შესაძლებლობა ექნებათ რეგულარულად ისარგებლონ რომი–თბილისი რეისით.
ერქალის განცხადებით, 2011 წელს თბილისის საერთაშორისო აეროპორტი 1058679 მგზავრს მოემსახურა, რაც 29%–ით მეტია წინა წლის ანალოგიურ პერიოდთან შედარებით. მგზავრთა რიცხობრივ ზრდას TAV Georgia–ას გენერალურმა მენეჯერი მსოფლიო ში საქართველოს მიმართ ინტერესის ზრდით ხსნის.
commersant.ge–თან საუბრისას მეთე ერქალმა გასული წელიც შეაჯამა, მისი განცხადებით, 2011 წელი ,,TAV Georgia”-სთვის საკმაოდ წარმატებული წელი იყო. ერქალის თქმით, სწორედ 2011 წელს შესრულდა Kenn Borek-ის ტიპის თვითმფრინავით მესტიის მიმართულების პირველი რეისი, რაც შიდა ტურიზმის განვითარებისთვის ძალიან მნიშვნელოვანია.
წლის წარმატებულ ნაბიჯებად მიიჩნევს თბილისი საერთაშორისო აეროპორტი ს გენერალური მენეჯერი ისეთი მსხვილი ავია კომპანიების ფრენის დაწყებას როგორებიცაა: China Southern Airlines; Air Astana; ATA Airlines; flydubai, Ural Airlinesda sxvდა სხვა. ჩარტერული რეისების მხრივ კი ის Taban Airlines-სა და Air Cairo-ს გამოყოფს.
ცნობისთვის: ამ დროისთვის ქართულ ავია ბაზარზე 20 უცხოური ავია კომპანიაა.
Related Stories
