ევროზონის ეკონომიკა, აშშ–სგან განსხვავებით, საკმარისად მოქნილი არაა.

Email Print TwitterFacebookMySpace DelicousStumbleDigg More Destinations... ADVERTISEMENT

წაიკითხე სმარტფონში

ამის შესახებ ევროპის ცენტრალური ბანკის ხელმძღვანელმა ჟან–კლოდ ტრიშემ ტელეარხ CNBC–სთვის მიცემულ ინტერვიუში განაცხადა, იუწყება რადიო კომერსანტი. „უნდა აღვნიშნო იმ მნიშვნელოვანი განსხვავებების შესახებ, რომლებიც ატლანტიკის სხვადასხვა მხარეს არსებულ სახელმწიფოებს შორის ეკონომიკური თვალსაზრისით არსებობს. აშშ–ის ეკონომიკა მოქნილია, და ეს მისი განმასხვავებელი ნიშანია. ჩვენთან კი, როგორც მთლიანად ევროპაში, ისე ევროკავშირსა და ევროზონაში, ეკონომიკა არასაკმარისად მოქნილია,“ – განაცხადა ტრიშემ. მისივე თქმით, სწორედ აღნიშნული პრობლემები უშლის ხელს ევროპის ეკონომიკის ზრდას.

ტრიშეს მოსაზრებითვე, ევროკავშირის მშპ–ს სტაბილური ზრდის უზრუნველყოფა ინფლაციის შეჩერებითაა შესაძლებელი.

ამიტომ ბანკირი გამოვიდა მოწოდებით, დაიწყოს აქტიური მუშაობა, რათა ევროპულმა ეკონომიკამ მეტი მოქნილობა შეიძინოს, რაც მისი ზრდის პოტენციალს გააძლიერებს, რადგან სწორედ მოქნილობის მქონე ეკონომიკებს აქვთ, ფინანსისტის აზრით, განვითარებისა და უმუშევრობის შემცირების შესაძლებლობა.

ევროპის ეკონომიკაში არსებული გაურკვეველი სიტუაციის მიუხედავად, მისი მშპ ზრდის საკმაოდ კარგ ტემპებს აჩვენებს. ევროზონის ეკონომიკა მეორე კვარტალში გასული წლის ანალოგიურ პერიოდთან შედარებით 1%–ით გაიზარდა. რამდენიმე დღის წინ კი იგივე ჟან–კლოდ ტრიშემ განაცხადა, რომ 2010 წლის შედეგებით ევროზონის მშპ 1,4–1,8%–ით გაიზრდება.

Related Stories

• საქართველოს ბანკი ფულადი გზავნილების ახალ სისტემას ნერგავს
• ფინანსთა სამინისტროს სახაზინო ვალდებულებების აუქციონის შედეგი
• „ქართუ ბანკმა“ „პროგრეს ბანკში“ წილის ყიდვაზე ეროვნული ბანკის თანხმობა მიიღო