| ყირგიზეთის სამთავრობო დელეგაცია საქართველოს ეროვნულ ბანკში |
|
26/10/2011 12:30 (210 დღე 07:47 minutes ago) | ||||||||||||
|
25 ოქტომბერს, საქართველოს ეროვნულ ბანკს ყირგიზეთ ის ფინანსთა, ეკონომიკისა და რეფორმების სამინისტროების წარმომადგენლები სტუმრობდნენ.
საქართველოს ეროვნული ბანკი ს ინფორმაციით, შეხვედრის მთავარი მიზანი საქართველოს ეროვნული ბანკი ს მიერ განხორციელებული რეფორმების გაცნობა და არსებული გამოცდილების გაზიარება იყო.
მაკროეკონომიკისა და სტატისტიკის დეპარტამენტის უფროსი, გიორგი ბარბაქაძე სტუმრებს ეროვნული ბანკის ფუნქციებზე ესაუბრა და საქართველოს ეროვნულ ბანკში გატარებული რეფორმები გააცნო. ასევე მიაწოდა ინფორმაცია ქართულ საბანკო სექტორში განხორციელებულ ცვლილებებზე.
ყირგიზეთ ის სამთავრობო დელეგაციის წევრებმა განსაკუთრებული ინტერესი 2008 წლის კრიზისის შემდგომ განხორციელებულ ღონისძიებებზე გაამახვილეს. გაეცნენ მომხმარებელთა უფლებების დაცვის მიმართულებით გატარებულ რეფორმებსაც.
ფინანსური ბაზრების დეპარტამენტის უფროსმა, გიორგი ლალიაშვილმა სტუმრებს ის ფინანსური ინსტრუმენტები გააცნო, რომელსაც საქართველოს ეროვნული ბანკი იყენებს. ესაუბრა მინიმალური სარეზერვო მოთხოვნების, სავალუტო ბაზრების, ეროვნული ბანკის შიდა აუდიტის ფუნქციებისა და „დიდი ოთხიანის“ როლზე საქართველოში.
ყირგიზი სტუმრები ქართული საბანკო ზედამხედველობის სფეროს ცვლილებებითაც დაინტერესდნენ და დეტალურად გაეცნენ რისკების შეფასების სისტემასა და რეგულაციებში შეტანილ ცვლილებებს.
როგორც შეხვედრაზე ყირგიზეთ ის დელეგაციის წევრებმა აღნიშნეს, საქართველოში გატარებულმა რეფორმებმა და ცვლილებებმა, რომელიც სამაგალითოა მთელს რეგიონში დიდი როლი ითამაშეს ქვეყნის ეკონომიკისა და კონკრეტულად ქართული საბანკო სექტორის განვითარების საქმეში, სწორედ ამიტომ მოექცა საქართველო ცენტრალური აზიისა და ყოფილი საბჭოთა კავშირის ქვეყნების ყურადღების ცენტრში.
მხოლოდ დარეგისტრირებულ მომხმარებლებს, ან ფეისბუკის ქსელის წევრებს შეუძლიათ კომენტარის დაწერა! |
|
|
