ეროვნული ბანკის პრეზიდენტი გიორგი ქადაგიძე გასული წლის ერთ-ერთ მიღწევად ექსპორტიდან და მომსახურების სექტორიდან შემოსავლების მიღებას ასახელებს.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
ინტერპრესნიუსის ცნობით, როგორც გიორგი ქადაგიძემ პარლამენტის დღევანდელ საფინანსო-საბიუჯეტო კომიტეტის სხდომაზე განაცხადა, 2010 წელი იყო ძალიან პოზიტიური, რადგან ეკონომიკური მაჩვენებელი დაუბრუნდა კრიზისამდე პერიოდს და უმეტესი მიმართულებით მას გაასწრო კიდეც.
მისი თქმით, ერთ-ერთი მნიშვნელოვანი ფაქტორია, რომ 2005-2007 წლებში ეკონომიკური ზრდის მთავარი მამოძრავებელი ძალა პირდაპირ უცხოური ინვესტიციები იყო, 2010 წელს კი ეკონომიკური ზრდის მთავარი მამოძრავებელი ძალა ექსპორტისა და მომსახურების სექტორიდან მიღებული შემოსავალი გახდა.
"პირველად, უახლოესი წლების განმავლობაში მნიშვნელოვანი შემოსავლები იყო ტურიზმიდან", - განაცხადა გიორგი ქადაგიძემ.
ასევე, ქადაგიძემ ისაუბრა კომერციულ ბანკებზეც და ხაზი გაუსვა ბანკები ს რეზერვების კლებას და აღნიშნა, რომ დაიწყო საკრედიტო პორტფელის ზრდა რეზერვების შემცირების მხრივ, რაც ასევე მნიშვნელოვანი გარემოებაა.
დღევანდელ სხდომაზე ედპ-ს წევრი, დეპუტატი გურამ ჩახვაძე დაინტერესდა ბანკები სა და კრედიტორების ურთიერთობებით და აღნიშნა, რომ 2008 წლის ომის დროს ძალიან ბევრ ადამიანს შეექმნა პრობლემა და აღმოჩნდა კრიზისულ სიტუაციაში.
გიორგი ქადაგიძე აცხადებს, რომ 2008 წლის შემდეგ მართლაც სერიოზული ნაბიჯები გადაიდგა, განსაკუთრებით ომისგან დაზარალებული რეგიონებისა და მოსახლეობის მიმართულებით.
რაც შეეხება იპოთეკით დატვირთული ქონების რეალიზაციის პრობლემას, ქადაგიძემ აღნიშნა, რომ ქონების რეალიზაცია არ შედის ბანკის ინტერესში, რადგან ეს არ არის მისი მიმართულება და ბრალდებები, რომ თითოქსდა ბანკებმა ეს სიტუაცია ბოროტად გამოიყენეს, სიმართლეს არ შეესაბამება. მისი თქმით, იყო ძალიან დიდი რესტრუქტურიზაციის პროცესი და შესაბამისად, ბიზნესი ს უმეტესი ნაწილი კრიზისული სიტუაციიდან გამოვიდა.
ეროვნული ბანკის პრეზიდენტი ერთ-ერთ მთავარ პრობლემად კლიენტებისა და ბანკებს შორის ურთიერთობისას, ხელშეკრულების წაკითხვის ძალიან დაბალ დონესაც ასახელებს.
Related Stories
