| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
"ლიბერთი ბანკმა" დღეს საქართველოს მოსახლეობას პირველი ეროვნული და უნივერსალური საგადამხდელო სისტემა PAYge შესთავაზა.
ინტერპრესნიუსის ცნობით, ამასთან დაკავშირებით, ბანკის სამეთვალყურეო საბჭოს თავმჯდომარემ, ლადო გურგენიძე მ დღეს პრესკონფერენცია გამართა.
PAYge სისტემა პროვაიდერებსა და საცალო და ინტერნეტ ბიზნესებს (მერჩანტებს) სთავაზობს გადახდის მრავალმხრივ არხებს ერთიანი ინტერფეისის ფარგლებში. დღეისთვის, საქართველოში PAYge-ს საგადახდო მოსახურებაში ჩართულია 250-მდე მერჩანტი, 70-ზე მეტი პროვაიდერი, 20-ზე მეტი ინტერნეტმაღაზია და მომსახურების ობიექტი, ასევე - 248 ბანკომატი.
PAYge სისტემა მომხმარებელს საშუალებას აძლევს, გადაიხადოს VISA და MasterCard პლასტიკური ბარათებით, PAYge სისტემაში ჩართული ბარათებით - "სამრტივი" და " ლიბერთი ბანკი ს" სასაჩუქრე ბარათი, SMS-ით, ინტერნეტით, Facebook-ით EMONEY ელექტრონული საფულით და თვითმომსახურების ტერმინალებით.
PAYge-ში ჩართული ბარათების შევსება შესაძლებელია " ლიბერთი ბანკი ს" სერვისცენტრებსა და მობილურ სერვისცენტრებში, თვითმომსახურების ტერმინალებიდან, VISA და MasterCard ბარათებიდან, EMONEY საფულიდან.
როგორც პრესკონფერენციაზე ითქვა, PAYge სისტემა გამოირჩევა მაღალი უსაფრთხოებით და სრული დაცულობით. მერჩანტებს აქვთ საშუალება, ონლაინრეჟიმში მიიღონ დეტალური ინფორმაცია ყველა ტრანზაქციის შესახებ. PAYge კონკურენტული ტარიფებით გამოირჩევა, სისტემაში ჩართული ბარათებით მიღებულ თანხაზე საკომისიო 1%-ია.
Related Stories
