"ვითიბი ბანკმა" Microsoft-ის პროგრამა გაანახლა, რის შედეგადაც ბანკის მომსახურება უფრო სწრაფი და კომფორტული ხდება.

Email Print TwitterFacebookMySpace DelicousStumbleDigg More Destinations... ADVERTISEMENT This text is replaced by the Flash movie.

წაიკითხე სმარტფონში

ინტერპრესნიუსის ცნობით, ამის შესახებ დღეს გამართულ ერთობლივ პრესკონფერენციაზე "ვითიბი ბანკისა" და Microsoft საქართველოს წარმომადგენლებმა განაცხადეს. ბანკმა და Microsoft-მა ხელი მოაწერეს ხელშეკრულებას, რომლის თანახმადაც, "ვითიბი ბანკმა" Microsoft-ის პროგრამა განაახლა. როგორც ბანკის წარმომადგენლები აცხადებენ, პროგრამა არის სრულიად ინოვაციური და თანამედროვე ტექნოლოგიებით აღჭურვილი, რომლის საშუალებით გამარტივდა ბანკში არსებული ყველა ოპერაციის ჩატარება.

ბანკში განმარტავენ, რომ თანამედროვე საინფორმაციო ტექნოლოგიების დანერგვა "ვითიბი ბანკ ჯორჯიას" ერთ-ერთი პრიორიტეტული მიმართულებაა. ბანკსა და კომპანიას შორის გაფორმებული ხელშეკრულების მიზანია, საბანკო სისტემაში ინფორმაციული ტექნოლოგიების განვითარება ლეგალურ საფუძველზე, რაც საინფორმაციო სისტემის დაცულობისა და მდგრადი განვითარების გარანტიაა. ასევე გათვალისწინებულია პროგრამის ავტომატური განახლება.

"ვითიბი ბანკმა” და Microsoft-მა მრავალწლიანი ხელშეკრულების საფუძველზე კიდევ უფრო გააღრმავეს არსებული თანამშრომლობა. ეს მნიშვნელოვანი შეთანხმება უზრუნველყოფს ინფორმაციული ტექნოლოგიების მასშტაბურ დამუშავებას ბანკის მზარდი მოთხოვნების შესაბამისად", - აღნიშნავს "ვითიბი ბანკ ჯორჯიას" ფინანსური დირექტორი მამუკა მენთეშაშვილი.

Related Stories

• საქართველოს ფინანსთა სამინისტროს სახაზინო ობლიგაციების აუქციონის შედეგი
• საქართველოს ეროვნული ბანკის სადეპოზიტო სერტიფიკატების აუქციონის შედეგები
• საქართველოში Commerzbank-ის მთავარი პრიორიტეტი ვაჭრობის ოპერაციების დაფინანსება იქნება