| ბი ჯი კაპიტალი: სებ-მა მონეტარული პოლიტიკის განაკვეთი 25 საბაზისო პუნქტით შეამცირა |
|
29/11/2011 10:14 (176 დღე 10:41 minutes ago) | ||||||||||||
 28 ნოემბერი, 2011 – საქართველოს ეროვნულმა ბანკმა (სებ) მონეტარული პოლიტიკის განაკვეთი 25 საბაზისო პუნქტით შეამცირა 7%–მდე.
ბანკის განცხადებით, აღნიშნული გადაწყვეტილება იმის გამო იქნა მიღებული, რომ ინფლაციის ტემპმა მოსალოდნელზე მეტად დაიკლო. მიმდინარე წელს ბანკმა უკვე მეოთხედ შეამცირა განაკვეთი, ივლისში, აგვისტოსა და ოქტომბერში შემცირების შემდგომ.
გიორგი ირემაშვილი, ანალიტიკოსი ბი ჯი კაპიტალში: სებ–მა მიმდინარე წლის ივლისის შემდგომ, თანდათანობით შეამცირა მონეტარული პოლიტიკის განაკვეთი 8%–დან 7%–მდე, რადგანაც ინფლაციამ მოსალოდნელზე მეტად დაიკლო. იმის გამო, რომ ოქტომბერში წლიურმა ინფლაციამ 2.3% შეადგინა (მიუხედავად იმისა, რომ მესამე კვარტალში საშუალო ეკონომიკურმა ზრდამ 7.3% შეადგინა წინა წლის შესაბამის პერიოდთან შედარებით), ჩვენ ვვარაუდობთ, რომ საქართველოს ეროვნული ბანკი შეინარჩუნებს მონეტარული პოლიტიკის მიმდინარე კურსს.
მხოლოდ დარეგისტრირებულ მომხმარებლებს, ან ფეისბუკის ქსელის წევრებს შეუძლიათ კომენტარის დაწერა! |
|
|
