Email Print TwitterFacebookMySpace DelicousStumbleDigg More Destinations... ADVERTISEMENT This text is replaced by the Flash movie.

წაიკითხე სმარტფონში

ლონდონში მსოფლიო ს ყველაზე ავტორიტეტული საბანკო კონკურსის, “ფაინენშლ თაიმს გრუპის” (Financial Times Group) და მისი ჟურნალი “ბანკერი”-ს (“The Banker”) ყოველწლიური საბანკო რეიტინგის შედეგები გამოცხადდა, სადაც მსოფლიო ს “წლის საუკეთესო ბანკებს” შორის უკვე მეექვსედ დასახელდა ქართული თიბისი ბანკი.

წლევანდელი დაჯილდოების ცერემონიალი ლონდონში გაიმართა. ამჯერად საერთაშორისო ექსპერტების მიერ განხილულ იქნა მსოფლიო ს 147 ქვეყნის საბანკო სექტორი. “საქართველოში კომერციული ბანკები ს კონკურენცია უფრო და უფრო ინტენსიური ხდება, ამის მიუხედავად, თიბისი ბანკი წარმატებით ახერხებს წამყვანი პოზიციების შენარჩუნებას. მისი საქმიანობა გვიჩვენებს ბანკის სერიოზულ ზრდას მიკრო ბიზნესი ს დაფინანსების, მაღალი დონის რისკ-მენეჯმენტისა და კარგად დივერსიფიცირებული საინვეტიციო ბაზის კუთხით,“ - წერს ჟურნალი “The Banker“ (დეკემბერი, 2011 წელი).

2011 წლის 9 თვის შედეგებით, თიბისი ბანკის აქტივები გაიზარდა  32%-ით, ჯამური სესხები 28%-ით, მთლიანი დეპოზიტები 30%-ით.  მნიშნვნელოვნად გაიზარდა ბაზრის წილებიც: მთლიანმა აქტივებმა 24.9%  შეადგინა, ჯამურმა სესხებმა  25.7%  და მთლიანი დეპოზიტების  წილმა კი 28.8% . 

„ჩვენთვის რა თქმა უნდა, ყოველთვის დიდი პატივია, გავხდეთ ჟურნალ „The Banker”-ის რჩეულები. ეს პრესტიჟული ჯილდო თიბისი ბანკმა უკვე მეექვსედ მიიღო, რაც ნამდვილად უდიდესი წარმატების ტოლფასია. ჩვენ მადლიერები ვართ ჩვენი თანამშრომლებისა, რომლებმაც ეს შესაძლებელი გახადეს“, აცხადებს ვახტანგ ბუცხრიკიძე , თიბისი ბანკის გენერალური დირექტორი.

“ფაინენშლ თაიმს გრუპი” და მისი ჟურნალი „The Banker” 1926 წლიდან ახორციელებენ ექსკლუზიურ საბანკო რეიტინგებს და ამ სფეროში მსოფლიო მასშტაბით ყველაზე კომპეტენტურ ინსტიტუტს წარმოადგენენ. ჯილდოს მინიჭება ხდება საერთაშორისო ექსპერტთა ჯგუფის გადაწყვეტილებით, რომელიც აფასებს არა მარტო ბანკები ს ბოლო ფინანსურ მაჩვენებლებს, არამედ ინფორმაციული ტექნოლოგიებისადმი მათი ინოვაციური მიდგომის მაჩვენებელს და, ასევე, ბანკის სტრატეგიულ განვითარებას. ამ კონკურსზე ქართული ბანკები ს განხილვა პირველად 2002 წელს მოხდა, როდესაც მსოფლიო ს “წლის საუკეთესო ბანკებს” შორის თიბისი ბანკიც დასახელდა.

Related Stories

• საქართველოს ფინანსთა სამინისტროს სახაზინო ობლიგაციების აუქციონის შედეგი
• საქართველოს ეროვნული ბანკის სადეპოზიტო სერტიფიკატების აუქციონის შედეგები
• საქართველოში Commerzbank-ის მთავარი პრიორიტეტი ვაჭრობის ოპერაციების დაფინანსება იქნება