“ პროკრედიტ ბანკი საქართველო” ფილიალების ქსელს კიდევ უფრო აფართოვებს და
ახალციხეში ფილიალს ხსნის. ეს ქალაქში ბანკის პირველი ფილიალი იქნება.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
ახალციხისა და ახლომდებარე სოფლების მოსახლეობა პროკრედიტ ბანკის მაღალხარისხიანი მომსახურებით ისარგებლებს, რომელიც გამჭვირვალობისა და ორმხრივი ნდობის პრინციპებს ეფუძნება.
ახალციხე სამცხე-ჯავახეთის რეგიონის ერთ-ერთი მთავარი ქალაქია და რეგიონში სოფლის მეურნეობის პროდუქციის მწარმოებელთა ცენტრად ითვლება. პროკრედიტ ბანკს სოფლის მეურნეობის პროდუქციის მწარმოებელთა მომსახურების დიდი გამოცდილება აქვს. პროკრედიტ ბანკის სახით კლიენტებს სანდო და კომპეტენტური პარტნიორი ეყოლებათ, რომელსაც ესმის სოფლის მეურნეობის დაკრედიტების სპეციფიკურობა და მეურნეებს ისეთ საბანკო პროდუქტებს შესთავაზებს, რომლებიც ყველაზე უკეთ დააკმაყოფილებს მათ მოთხოვნებს. ახალციხეში ფილიალის გახსნით, პროკრედიტ ბანკს სურს კიდევ უფრო დაუახლოვდეს თავის კლიენტებს და მათ კომფორტულ და სასიამოვნო გარემოში მოემსახუროს, თანაც ისე, რომ მათ არ მოუხდეთ შორ მანძილზე გადაადგილება.
ახალციხეში ფილიალი 2011 წლის 19 დეკემბერს გაიხსნება. ახალციხის მოსახლეობა ბანკის მომსახურებით კვირაში ხუთი დღე ისარგებლებს. ახალციხის ფილიალი ისევე, როგორც პროკრედიტ ბანკის სხვა ფილიალები, კლიენტებს `მომსახურებას ერთ წერტილში~ შესთავაზებს. მომსახურება ბანკის კლიენტებს საშუალებას აძლევს, ტრანზაქციები გაცილებით სწრაფად განახორციელონ და თანხა კლიენტთა მრჩეველთან მიიღონ და გადაიხადონ. ყველა ოპერაცია მოხერხებულად, ერთ ადგილზე სრულდება.
წინა თვეებში ქუთაისში, ბათუმსა და სამტრედიაში გახსნილი ფილიალების ჩათვლით, პროკრედიტ ბანკის ფილიალების საერთო რაოდენობა მთელ საქართველოში 60 იქნება.
მაია მერედოვა, პროკრედიტ ბანკის გენერალური დირექტორი: `კლიენტებს ახალციხის ახალ ფილიალს სიამაყით წარმოვუდგენთ. მათ შეეძლებათ საბანკო მომსახურება თავიანთ საცხოვრებელ ადგილზე მიიღონ და შორ მანძილზე გადაადგილება აღარ მოუხდებათ. წელს ჩვენს მძლავრ, კარგად განვითარებულ ფილიალების ქსელს სამტრედიისა და ახალციხის ფილიალები დაემატა. ჩვენ განვაგრძობთ ამ რეგიონებში მცირე და საშუალო ბიზნესი ს შემდგომი განვითარების ხელშეწყობას, განსაკუთრებულ ძალისხმევას კი სოფლის მეურნეობას ვუთმობთ. ჩვენს კლიენტებთან სიახლოვეს ვინარჩუნებთ და მათ ხარისხიან, გამჭვირვალე, სწრაფ და მოსახერხებელ საბანკო მომსახურებას ვუწევთ.~
Related Stories
