"თიბისი ბანკმა" 2011 წელს ძირითადი ფინანსური მონაცემები დინამიურად გაზარდა
და მისი არსებობის მანძილზე მაქსიმალურ მაჩვენებლებს მიაღწია. კერძოდ:
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
• აქტივები 974 მილიონი ლარით გაიზარდა და 3 მილიარდ 224 მილიონ ლარს მიაღწია;
• სესხების პორტფელი გაიზარდა 530 მილიონი ლარით და წლის ბოლოს 2 მილიარდ ლარს გადააჭარბა.
• 615 მილიონი ლარით გაიზარდა ანაბრების პორტფელი და წლის ბოლოს 1 მილიარდ 970 მილიონი ლარი შეადგინა.
ერთ-ერთ მთავარ მიღწევად ბანკი მიიჩნევს 2011 წლის დასაწყისში, საქართველოში ერთ-ერთი ყველაზე მზარდი ფინანსური ინსტიტუტის, ბანკი “კონსტანტას” აქციათა საკონტროლო პაკეტის შეძენას. ამით "თიბისი ბანკმა" მყარი პოზიციები დაიკავა მიკრო ბიზნესი ს დაკრედიტების ბაზარზე, სადაც მანამდე ის აქტიურად არ იყო წარმოდგენილი.
ამ ტრანზაქციის შემდეგ, 2011 წლის განმავლობაში “კონსტანტამ” 78%-ით გაზარდა აქტივები და 71%-ით გაზარდა საკრედიტო პორტფელი.
2011 წელი ასევე წარმატებულად ფასდება თიბისი ბანკის სხვა შვილობილი კომპანიების მიერაც: თიბისი ლიზინგმა საბაზრო წილი 18,7 პროცენტული პუნქტით გაზარდა, ხოლო აზერბაიჯანში მოღვაწე “თიბისი კრედიტის” აქტივები შარშან 35%-ით გაიზარდა, საკრედიტო პორტფელი კი – 31%-ით. 15 მლნ აშშ დოლარით გაიზარდა “თიბისი ინვესტის” (ისრაელი) დეპოზიტების პორტფელი.
რაც შეეხება "თიბისი ბანკს," ანაბრების ბაზარზე ის კვლავ ინარჩუნებს ყველაზე დიდ წილს. საქართველოში კერძო პირების ანაბრების 34% დღეს სწორედ თიბისი ბანკშია განთავსებული.
ანაბრების პორტფელის 615 მილიონიანი ზრდა, ბანკის სტაბილურობასა და სანდოობასთან ერთად, წარმატებულმა მარკეტინგულმა კამპანიებმაც განაპირობა – “იპოვე $10.000”, “მოიგე $20.000” და სხვა. ამ კამპანიებს სერიოზული აღიარება ხვდა წილად მსოფლიო ს ყველაზე პრესტიჟულ სარეკლამო ფესტივალებზე: Eurobest Advertising Festival, Popok, Eurobest 2011, სადაც თიბისის ამ ქეისმა ვერცხლის და ოქროს პრიზები დაიმსახურა.
ანაბრების წარმატებული კამპანიის შედეგად, ნოემბერში "თიბისი ბანკის" ფიზიკური პირების ანაბრების პორტფელმა 1 მილიარდ ლარს გადააჭარბა.
გარდა ამისა, 2011 წელს "თიბისი ბანკმა":
გახსნა 5 ახალი ფილიალი;
19 ახალი ბანკომატით გააფართოვა ქსელი;
სმარტ კლუბის წევრებს საჩუქრად გადასცა 1,3 მილიონი ლარის ღირებულების სმარტ ქულები;
დანერგა ახალი პროდუქტები: ”პრაიმ ქარდი”, ”აი ქარდი”;
ქველმოქმედების სახით გაიღო 1 მილიონ 30 ათასი ლარი და განახორციელა რამდენიმე მასშტაბური სოციალური პროექტი;
შექმნა სოციალური მედიის ყველაზე მასშტაბური პროექტი ქართულ საბანკო სფეროში – დღეისათვის სოციალური ქსელის მომხმარებელთა ყველაზე დიდი წილი, 45% სარგებლობს თიბისი ბანკის გვერდებით Facebook-ზე.
2011 წელი შეიძლება შეფასდეს, როგორც "თიბისი ბანკის" 19 წლიანი ისტორიის კიდევ ერთი წარმატებული წელი, რაც წლის ბოლოს, ასევე აისახა საერთაშორისო რეიტინგებშიც:
”Financial Times Group”--მა და მისმა ჟურნალმა The Banker” თიბისი ბანკი საქართველოში ,,წლის საუკეთესო ბანკად’’ დაასახელა,
ჟურნალმა ”Euromoney” თიბისი ბანკს საქართველოში 2011 წლის საუკეთესო ბანკის” სტატუსი მიანიჭა, საერთაშორისო სარეიტინგო სააგენტომ ”Fitch” "თიბისი ბანკის" სიცოცხლისუნარიანობის რეიტინგი B -დან B+ მდე აამაღლა. "თიბისი ბანკი" 2011 წლის საუკეთესო ქართული ბანკია Deutsche Bank-ისა და Commerzbank-ის მონაცემებითაც.
2012 წელს "თიბისი ბანკი" 20 წლის ხდება! ამ საიუბილეო თარიღთან დაკავშირებით, დაიწყო პროექტი ”20 წელი – 12 თვე”, რომლის ფარგლებშიც, "თიბისი ბანკი" თავის მომხმარებლებს 2012 წლის განმავლობაში ბევრ სიახლეს შესთავაზებს.
Related Stories
