| იტალიელი მზარეული სალვატორე დე ვივო ბარ – რესტორან Filini – ს სტუმრობს |
|
27/05/2010 19:24 (621 დღე 22:27 minutes ago) | ||||||||||||
|
ბარ – რესტორანი Filini, სასტუმრო ”Radisson Blue Iveria”- ს იტალიური რესტორანი, თბილისში 12 მაისს, კიევი ს „Radisson Blue“– ს იტალიური რესტორნის „Mille Miglie” – ს მზარეულს, სალვატორე დე ვივოს მასპინძლობს, რომელიც თბილისში ივლისის ბოლომდე დარჩება.
სალვატორე ნამდვილი იტალიური სამზარეულოს ხელოვნებას გაგვაცნობს და იმედი გვაქვს, რომ რამოდენიმე კერძის მომზადების საიდუმლოსაც გაგვიზიარებს.
ბარ – რესტორანი Filini – ში სტუმრების გარკვეულ რაოდენობას შესაძლებლობა ექნებათ სალვატორე სამზარეულოში კერძების მომზადების პროცესში ნახონ.
„ის სტუმრებისათვის სპეციალურ მენიუს შექმნის, მათ გააცნობს გამოყენებულ ინგრედიენტებს, შექმნის სტუმრებისათვის სასიამოვნო ატმოსფეროს და ისინიც ამ პროცესში თავიდან ბოლომდე ჩართულები იქნებიან,“ ამბობს ”Radisson Blue Iveria”- ს მთავარი მზარეული გიორგი ლეივადიოტისი.
„ჩვენ გვექნება ზღვის პროდუქტების და ტკბილეულის საღამოები, რაც დარწმუნებული ვარ საინტერესო იქნება ჩვენი სტუმრებისათვის,“ გვითხრა სალვატორემ.
როგორც გიორგი ლეივადიოტისი ამბობს, საქართველოში ზღვის პროდუქტებზე მოთხოვნა არ არის დიდი, რაც უფრო რთულს ხდის იტალიური სამზარეულოს ზღვის პროდუქტების პოპულარიზაციას.
„ქართველი ხალხი ნაკლებად მიირთმევს თევზს, მათ ხორცი უფრო ურჩევნიათ. თუმცა ჩვენ იმედი გვაქვს, რომ მომავალში როგორც ქართველი, ასევე უცხოელი სტუმრებიც კმაყოფილი დარჩებიან ბარ – რესტორანი Filini – ის ზღვის პროდუქტების კერძებით,“ თქვა სალვატორემ.
ბარ – რესტორანი Filini – ი სასტუმრო რედისონის მიერ დაპროექტებული რესტორანია. ეს რესტორანი ძალიან ბევრ ქვეყანაშია, სადაც ” Radisson“ – ის სასტუმროებია.
„რესტორანი Filini არ არის კლასიკური იტალიური რესტორანი, სადაც ყურადღება გამახვილებულია რომანტიული გარემოს შექმნაზე. ჩვენი რესტორანი მართლაც უნიკალური და განსხავებულია, სადაც სტუმრებისათვის სასიამოვნო და თბილი ატმოსფეროა შექმნილი .
ბარ – რესტორანი Filini – ის ერთ ერთი დამახასიათებელი თვისება არის ის, რომ რესტორანი გთავაზობთ მრავალფეროვან მენიუს, სადაც შესულია მსოფლიო ში ცნობილი კერძები. მენიუში ასევე შედის 19 სახეობის პიცა.
Filini – ის რესტორნისა და ბარის კერძების მთავარი ინგრედიენტები ჩვენ სხვადასხვა ქვეყნებიდან ჩამოგვაქვს. ჩვენ მომწოდებლების უმეტესობა ევროპაში გვყავს. შეუძლებელია კარგი პიცის მომზადება კარგი მოცარელას გარეშე, რომელიც იტალიიდან ჩამოგვაქვს,“ გვითხრა გიორგი ლეივადიოტისმა.
„ის რაც პიცას განსაკუთრებულად გემრიელს ხდის არის წყალი, კლიმატი და პროდუქტები, როგორიცაა, მაგალითად, მოცარელა, რასაც ყველგან ვერ ნახავთ. ამას გარდა, საჭიროა დროულად მიხვდეთ როდის არის პიცა მზად და რა თქმა უნდა, აუცილებელია კარგი გაზქურა.
მზარეულის საიდუმლო მხოლოდ გამოცდილებაშია, რაც უფრო მეტ პიცას მოამზადებ, უფრო კარგად გამოგდის მისი მომზადება,“ ამბობს სალვატორე.
სალვატორე იტალიაში დაიბადა, ხოლო მზარეულის პროფესიას მშობლიურ ქალაქ ნეაპოლში დაეუფლა. სწავლის დასრულების შემდეგ კარიერა განაგრძო იტალიის სხვადასხვა რესტორნებში, სადაც ის დაეუფლა იტალიური კერძების მომზადების ხელოვნებას.
მხოლოდ დარეგისტრირებულ მომხმარებლებს, ან ფეისბუკის ქსელის წევრებს შეუძლიათ კომენტარის დაწერა! |
|
|
