დღეს 2011 წლის საუკეთესო ბრენდებს დააჯილდოებენ. საზოგადოებასთან ურთიერთობის სააგენტო "პროფილის" ორგანიზებით, "ქართული ბრენდის დღე" უკვე მეცხრედ იმართება.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
ღონისძიებაზე სხვადასხვა ნომინაციებში გამარჯვებული წარმატებული კომპანიები სახელდებიან.
"შერატონ მეტეხი პალასში" დღეს ისეთ პოპულარულ ნომინაციებში გამარჯვებულები დაჯილდოვდებიან, როგორიცაა "ლიდერი კომპანია", "ახალი ქართული ბრენდი", "რეპუტაცია და ნდობა", "ბრენდ პერსონა ", "ისტორიული ბრენდი" და ა.შ.
როგორც "პირWელს" საზოგადოებასთან ურთიერთობის სააგენტო "პროფილის" გენერალურმა დირექტორმა მანანა გეგიძემ განუცხადა, "ქართული ბრენდის დღე-20011"-ზე ჯილდოს 36-მდე ნომინანტი მიიღებს.
"პროექტმა თავისი არსებობის განმავლობაში მრავალი წარმატებული ქართული ბრენდის გამოვლენა შეძლო და მნიშვნელოვანი როლი ითამაშა ქართული ბიზნესი ს განვითარებაში, ცალკეული კომპანიებისა და ქართული ბრენდების პოპულარიზაციაში. პროექტის მიზანი ჩვენი ქვეყნის ეკონომიკური განვითარებისა და ბიზნესში მიმდინარე პროცესების შესახებ საზოგადოების ინფორმირებაა. პროექტის ამოცანაა ასევე ქართულ ბაზარზე კონკურენტუნარიანი გარემოს ჩამოყალიბებისთვის ზრუნვა, კომპანიების საქმიანი და ჰარმონიული ურთიერთობის მხარდაჭერა, ჯანსაღი კონკურენციისთვის აუცილებელი ეთიკური მეთოდებისა და ტექნოლოგიების დანერგვა-ხელშეწყობა, კომპანიების სოციალური პასუხისმგებლობის სტიმულირება, აღიარებული ბრენდების წახალისება და ახალი ბრენდების გამოვლენა" - განუცხადა სააგენტოს მანანა გეგიძემ.
მისივე თქმით, "ქართული ბრენდის დღე-2011 წლის" პარტნიორი თბილისი მერიაა, მედია-პარტნიორები - ტელეკომპანიები "რუსთავი 2", "ტელეიმედი", "1 არხი", "რეალ TV", "ერთსულოვნება", რადიოები "ფორტუნა", "კომერსანტი", საინფორმაციო სააგენტო "პირWელი" ჟურნალები "სარკე", "Brand & Note", "Prime Time".
Related Stories
