ბენეტონების ოჯახი Benetton-ის ჯგუფის მინორიტარებისგან აქციების გამოსყიდვას გეგმავს, იუწყება რადიო კომერსანტი.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
ასევე ვრცელდება ინფორმაცია, რომ ტანსაცმლისა და აქსესუარების გლობალური მწარმოებელი აქციების განთავსების 26-წლიანი ისტორიის შემდეგ ბირჟის დატოვებას გეგმავს. ეს ინფორმაციები ვრცელდება იმ ცნობების ფონზე, რომელთა თანახმადაც კომპანიის ხელმძღვანელობა ესპანურ რითეილ Inditex-თან შერწყმის შესაძლებლობას განიხილავს. ამ უკანასკნელს ცნობილი ბრენდი Zara ეკუთვნის.
იტალიური Benetton-ის მფლობელების განცხადებით, 2011 წლის მოგება შესაძლოა 30%-ით შემცირდეს მცირე მოთხოვნისა და ვალების მომსახურების გამო. ახლა კომპანიის საბაზო ღირებულება 680 მილიონ ევროს შეადგენს. გასულ წელს ჯგუფის ამონაგები 1,1%-ით შემცირდა და 2,031 მილიარდი ევრო შეადგინა, სუფთა მოგებამ კი 70 მილიონს მიაღწია. Benetton-ში ასევე არ გამორიცხავენ შეკვეთების კლებას 2012 წლის გაზაფხული-ზაფხულის კოლექციაზე.შარშან ტანსაცმლის ვაჭრობა ნედლეულის გაძვირებამ და მოთხოვნის შემცირებამ დააზარალა.
ექსპერტების შეფასებით, ტანსაცმლის ორი უმსხვილესი გლობალური მწარმოებლის მდგომარეობა განსხვავებულია - თუ Benetton-ს წლის მაჩვენებლებით 30%-იანი ვარდნა აქვს, Zara-მ იმავე პერიოდში გაიმყარა პოზიციები როგორც ესპანურ, ისე მსოფლიო ბაზარზე.
ტანსაცმლისა და ფეხსაცმლის მწარმოებელი კომპანიების გაერთიანებები ხშირი მოვლენა არ არის. ბოლოს ასეთი გარიგება გასულ წელს ამერიკულ VF-სა და Timberland-ს შორის შედგა. პირველი მათგანი ცნობილია ბრენდებით Wrangler, Lee Jeans, The North Face და სხვა.
Related Stories
