რადიო კომერსანტის ცნობით, ნავთობის კომპანია BP–მ მექსიკის ყურეში მომხდარი ავარიის შემდეგ სარეკლამო
ხარჯები მნიშვნელოვნად გაზარდა.
|
| წაიკითხე სმარტფონში |  |
|
აპრილიდან ივნისამდე პერიოდში ნავთობ გიგანტმა საკუთარი იმიჯის გაუმჯობესებაზე 83,4 მილიონი დოლარი დახარჯა, რაც გასული წლის ანალოგიური პერიოდის დანახარჯებს სამჯერ აღემატება.
კომპანია ფართო სარეკლამო კამპანიით ცდილობს აუხსნას საზოგადოებას ავარიის მიზეზები და მასში BP–ს როლი, ასევე მოუთხროს მის მიერ კატასტროფის ლიკვიდაციის მიზნით ჩატარებული სამუშაოების შესახებ.
სარეკლამო კამპანიას უკვე გამოუჩნდნენ მოწინააღმდეგეები, რომლებიც ფიქრობენ, რომ კომპანია ამ ფულს სხვა მიზნებზე უნდა ხარჯავდეს. მაგალითად, კონგრესის წარმომადგენლობითი პალატის წევრი კეტი კასტორი კომპანიას მოუწოდებს, რეკლამაზე გამოყოფილი თანხები ფლორიდის შტატის ტურისტული დარგის წარმომადგენლებს კომპენსაციის სახით გადაურიცხოს.
თავად BP–ში კი აცხადებენ, რომ სარეკლამო ხარჯების გაღება ასეთ სიტუაციაში აუცილებელია და ხაზს უსვამენ, რომ ამ მიზნით გამოყოფილი ფინანსები ავარიის ლიკვიდაციაზე დახარჯული თანხების ძალიან მცირე ნაწილია. შეგახსენებთ, რომ ნავთობ–გიგანტმა ამ დროისთვის ავარიის სალიკვიდაციო სამუშაოებზე 6,1 მილიარდი დოლარი გაიღო, მათ შორის 85 მილიონი სხვადასხვა შტატში ტურისტული სექტორების რეკლამირებას მოხმარდა.
Related Stories
