საერთაშორისო სარეიტინგო სააგენტო Fitch–მა ნავთობ–კონცერნ BP–ის რეიტინგი
სამი საფეხურით – "BBB" –დან "A"–მდე გაზარდა, იუწყება რადიო კომერსანტი.
|
| წაიკითხე სმარტფონში |  |
|
კომპანიის კრედიტუნარიანობის შეფასების გაუმჯობესების მთავარი მიზეზი მექსიკის ყურეში არსებული პლატფორმიდან ნავთობის გაჟონვის შეჩერებაა.
სააგენტოს ინფორმაციით, ახალი რეიტინგი იმის დასტურია, რომ კომპანიას შესაძლო ვალდებულებების მხრივ სიტუაცია გამოსწორდა, ამასთან მან ლიკვიდობის მნიშვნელოვანი მარაგები დააგროვა.
Fitch–ის შეფასებით, კომპანიის ვალდებულებების საერთო მოცულობამ ნავთობის გაჟონვის შედეგად 35–დან 67,5 მილიარდი დოლარი შეადგინა. მოვლენების განვითარების ყველაზე ცუდი სცენარის შემთხვევაშიც კი BP–ს აქვს ყველა რესურსი ზარალის ანაზღაურებისა და ყველა კომპენსაციის გადასახდელად.
ავარიამდე BP–ს საკრედიტო რეიტინგი Fitch–ის ვერსიით "AA+"–მდე იყო, რაც ამჟამინდელ მაჩვენებელზე ოთხი საფეხურით მეტია.
კატასტროფის შემდეგ, ზაფხულის განმავლობაში, Fitch–მა და კიდევ ერთმა სარეიტინგო სააგენტო Moody`s–მა ნავთობ გიგანტის რეიტინგი რამდენჯერმე შეამცირა.
შეგახსენებთ, რომ კომპანიის კუთვნილ პლატფორმაზე ავარია 2010 წლის 20 აპრილს მოხდა, შედეგად 11 ადამიანი დაიღუპა და ამერიკის ისტორიაში უმსხვილესი ეკოლოგიური კატასტროფა მოხდა.
Related Stories
