| ქართული ფარმაცევტული კომპანიები ევროპულ ფასებს გვპირდებიან |
|
29/03/2010 18:26 (680 დღე 23:17 minutes ago) | ||||||||||||
|
საქართველოში მედიკამენტების გაიაფება გაგრძელდება, იტყობინება რადიო კომერსანტი.
ამის შესახებ ფარმაცევტული ბაზრის ლიდერი კომპანიები აცხადებენ. «პე ეს პეს» მენეჯმენტის ინფორმაციით, წამლები იქამდე გაიაფდება, სანამ ქვეყანაში ევროპული ქვეყნების შესაბამისი ფასები არ იქნება. მათივე თქმით, მოლაპარაკებები მომწოდებლებთან მუდმივ რეჟიმში მიმდინარეობს და გასულ კვირაში 500-მდე დასახელების მედიკამენტზე 20-დან 40% ფასდაკლება უკვე მოხდა.
"პე ეს პე" – ში აცხადებენ, რომ მედიკამენტებზე ფასები იმ ნიშნულამდე დაიწევს, რომ ის ყველა მოქალაქისათვის ხელმისაწვდომი იყოს. "ავერსში" კი აცხადებენ, რომ "ფარმაცევტული საქმიანობის შესახებ" ახალი კანონის მიღების შემდეგ მომწოდებლებთან ფასების დასაკლებად უფრო მყარი არგუმენტები აქვთ. ამიტომ ფასების შემცირება მომავალშიც მოსალოდნელია. "ავერსის" ქსელში 500-მდე დასახელების მედიკამენტზე ფასები საშუალოდ 25%–ით შემცირდა.
მხოლოდ დარეგისტრირებულ მომხმარებლებს, ან ფეისბუკის ქსელის წევრებს შეუძლიათ კომენტარის დაწერა! |
|
|
