2011 წელს მსოფლიო ში სამკურნალო პრეპარატებზე მოთხოვნა 5-7%-ით გაიზრდება
და 880 მილიარდ დოლარს მიაღწევს.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
რადიო კომერსანტის ცნობით, ასეთ პროგნოზს კვლევითი ორგანიზაცია IMS
Health-ი აქვეყნებს.
ზრდის ლიდერი ჩინეთი იქნება, რომელიც მოსახლეობის შემოსავლებისა და ჯანდაცვაზე სახლემწიფო ხარჯების ზრდის შედეგად გერმანიას გაუსწრებს და ლიდერთა რეიტინგის მესამე ადგილზე აღმოჩნდება. ჩინეთში გაყიდვების ზრდას ექსპერტები მომავალ წელს 25%-ით, 50 მილიარდ დოლარამდე ვარაუდობენ.
ამერიკული ფარმაცევტული ბაზრის ზრდა მხოლოდ 3-5%-ს შეადგენს და 330 მილიარდ დოლარამდე ავა. ეს კი აშშ-სთვის, რომელიც წამლების გაყიდვის მხრივ მსოფლიო ლიდერია, რეკორდულად დაბალი მაჩვენებელია.
ევროპაში გაყიდვების ზრდა 1-3%-ის დონეზე იქნება. ეს დადებითი დინამიკა, ძირითადად, ამ ქვეყნებში ახალი პრეპარატების გამოჩენითა და ჯენერიკების (ორიგინალური წამლის იაფფასიანი ანალოგი) გაყიდვების ზრდითაა გამოწვეული.
„მართალია, 2011 წელს ბაზარზე რეცესია იქნება, განვითარებადი ქვეყნები ზრდის უფრო სერიოზულ ტენდენციას აჩვენებს, ვიდრე ეს ადრე იყო. მომავალ წელს მსოფლიო ზრდის თითქმის ნახევარს ჩინეთის და სხვა განვითარებადი ქვეყნების ბაზრები უზრუნველყოფს,“ - მიიჩნევს IMS Health-ის ვიცე-პრეზიდენტი მიურეი ეიტკენი.
რაც შეეხება მიმდინარე წელს, წამლების მსოფლიო ბაზრის ზრდა წინა წელთან შედარებით შესუსტდა და 3-5% შეადგინა.
Related Stories
