აჭარაში უძრავი ქონების გაყიდვების რაოდენობა 2010 წელთან შედარებით 16.8%-ით გაიზარდა, ხოლო 2009 წელთან შედარებით - 1.7-ჯერ, იტყობინება რადიო კომერსანტი.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
მონაცემებს საჯარო რეესტრის ეროვნული სააგენტო ავრცელებს. მისივე ცნობით, ბათუმში 2011 წლის იანვარ-ივნისის მდგომარეობით, უძრავი ქონების გაყიდვების რაოდენობა 2010 წელთან შედარებით 11.0%-ით გაიზარდა, ხოლო 2009 წელთან შედარებით თითქმის გაორმაგდა.
ამჟამად ბათუმში 115 სამშენებლო კომპანია ოპერირებს.
აჭარის უმსხვილესი უძრავი ქონების სააგენტო „ბათუმი რეალთორის“ წარმომადგენლის იმედა წულუკიძის ინფორმაციით, წელს ბათუმში უძრავი ქონების გაყიდვების მაჩვენებელმა მართლაც მნიშვნელოვნად მოიმატა. „მოთხოვნა უმეტესად, საცხოვრებელ ფართებზეა, თუმცა იყიდება კომერციული ფართებიც. ამ უკანასკნელზე ქირა უფრო სჭარბობს. რაც შეეხება საცხოვრებელ ბინებს, მშენებარე კორპუსებში ბინები თითქმის ყოველდღიურად იყიდება. ბათუმში ბინებს ყიდულობენ როგორც საქართველოს მოქალაქეები, ისე უკრაინელები, რუსები, ყაზახები. გასაყიდი ბინების ფასი კვადრატულ მეტრზე 400 დოლარიდან იწყება და ადგილის, სართულისა და ხედის მიხედვით 2000–3000 დოლარამდე აღწევს,“– ამბობს იმედა წულუკიძე.
საჯარო რეესტრის მონაცემებით, ტერიტორიული ერთეულების მიხედვით გაყიდვების სტრუქტურაში ლიდერი ბათუმია (61.4%). მეორე და მესამე პოზიციებს კი ხელვაჩაურის და ქობულეთის მუნიციპალიტეტები (შესაბამისად 23.6% და 12.5%) ინაწილებენ. ქედას, შუახევის და ხულოს მუნიციპალიტეტების წილი ამ სტრუქტურაში უმნიშვნელოა და ჯამურად 2.6%-ს შეადგენს (ა.წ. 6 თვის მაჩვენებელი). იმედა წულუკიძის თქმით, ქობულეთსა და ხელვაჩაურშიც გაიზარდა გაყიდვების მაჩვენებელი, თუმცა ის ბათუმის მაჩვენებელთან ვერ მოვა. ამის მიზეზი შეიძლება მშენებარე კორპუსების ნაკლებობა იყოს. „ამ ეტაპზე ქობულეთში უმეტესად სასტუმროები შენდება, საცხოვრებელი კორპუსების რაოდენობა კი შედარებით ნაკლებია,“ – განმარტავს იმედა წულუკიძე.
Related Stories
