უძრავი ქონების სააგენტო „ელიტ–გრუპში“ მომავალი თვიდან საცხოვრებელ და კომერციულ ფართებზე მოთხოვნის ზრდას ვარაუდობენ, იუწყება რადიო კომერსანტი.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
სააგენტოს გენერალური დირექტორის ინფორმაციით, მოთხოვნის ზრდასთან ერთად განახლებულ აღმაშენებლის გამზირზე კვადრატულ მეტრზე ფასები 10-15%–ით მოიმატებს.
ზაქარია ლომიძის განცხადებითვე, არ არის გამორიცხული კომერციულ ფართებზე 10%–იანი ფასების ზრდა ვაკე–საბურთალოს რაიონში დაფიქსირდეს, სადაც გასულ წელს კვადრატული მეტრის ფასი 1000–დან 3000 დოლარამდე იყო.
„ელიტ–გრუპის“ ინფორმაციით, თბილისში კომერციული ფართების ყიდვა–გაქირავების კუთხით ყველაზე მოთხოვნადი ცენტრალური უბნებია.
უძრავი ქონების სააგენტო „პრესტოშიც“ აღმაშენებლის გამზირზე კომერციული ფართების გაძვირებაზე საუბრობენ. მენეჯმენტის ინფორმაციით, ამ დროისთვის განახლებულ უბანში კომერციულ ფართებზე ფასებმა 10-15%–ით მოიმატა, ხოლო საცხოვრებელ ფართებზე ფასები ჯერჯერობით უცვლელია.
ამ დროისთვის აღმაშენებელზე კომერციული ფართის დასაქირავებელი ფასი კვადრატულ მეტრზე 40-60 დოლარამდე მერყეობს, ხოლო გასაყიდი ფასი 5000-6000 დოლარია. სააგენტოს განცხადებითვე, კომერციული ფართებზე მოთხოვნა ძირითადად თბილისის ცენტრალურ რაიონებშია. „პრესტოში“ ვარაუდობენ, რომ გაზაფხულზე კომერციული ფართებზე ფასები 20%–მდე მოიმატებს.
Related Stories
