რადიო კომერსანტის ცნობით, დიღომში ახალი უბნის მშენებლობა გაზაფხულიდან დაიწყება.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
თბილისის მერიის
პრეს-სამსახურის ცნობით, ამ ეტაპზე დაგეგმარების სამუშაოები მიმდინარეობს
და უკვე გაზაფხულიდან თბილისს ეტაპობრივად შეემატება ახალი უბანი
სახელწოდებით ,,ახალი თბილისი”.
ამ დრომდე უცნობი რჩება სხვა დამატებითი დეტალები - რა რაოდენობის ინვესტიცია ჩაიდება ახალი უბნის მშენებლობა ში და რომელი კომპანიები ინტერესდებიან მისი მშენებლობით, კომენტარისაგან თავს იკავებს ძველის თბილისის განვითარების ფონდის წარმომადგენელი სერგო ქავთარაძეც. მისი განცხადებით, დამატებით ინფორმაციას პრესის წარმომადგენლებს დაგეგმარების დასრულების შემდეგ თბილისის მერია მიაწვდის.
ამასთან, როგორც მერიაში ამბობენ, თუ აქამდე თბილისში ერთ ადამიანზე საშუალოდ 14, 5 კვ.მ საცხოვრებელი ფართი მოდიოდა, ახალი უბნის მშენებლობის დასრულების შემდეგ ერთ სულ მოსახლეზე ფართი საერთაშორისო სტანდარტების მიხედვით საგრძნობლად გაიზრდება. 230 ჰექტარი ტერიტორია, რომელზედაც ახალი უბანი განთავსდება, უკვე შეფასდა როგორც ეკოლოგიურად სუფთა გარეუბანი.
მერიის ინფორმაციით, ,,ახალ თბილისში” არაერთი სახელმწიფო უწყების, საცხოვრებელი სახლის, რეკრეაციული ზონისა და კომერციული და საოფისე ფართის განთავსება იგეგმება.
შეგახსენებთ: ახალი უბნის მშენებლობის შესახებ პირველად საქართველოს პრეზიდენტმა ,,თბილისი მოლის” გახსნაზე განაცხადა და ახალი უბანი ვაკე–საბურთალოს ფართის მოცულობის იქნება.
Related Stories
