აჭარაში, სკანდალურად ცნობილ ფერიის მთაზე ინგლისელმა ინვესტორმა გასართობი
ცენტრის მშენებლობა დაიწყო, იუწყება რადიო კომერსანტი.
|
| წაიკითხე სმარტფონში |  |
|
"ჰესტოკ ლიმიტედი" ცენტრის პარალელურად საბაგიროს მშენებლობა საც გეგმავს და პროექტში 50 მილიონი ევროს ინვესტიციას ჩადებს.
"ჰესტოკ ლიმიტედის" შვილობილმა "ჰესტოკ ბათუმმა" ფერიის მთაზე 16 ჰექტარი მიწა სიმბოლურ ფასად, 2009 წელს იყიდა, მშენებლობა კი სახელმწიფოსთან გაფორმებული ხელშეკრულების თანახმად 2012 წლისთვის უნდა დასრულდეს.
შეგახსენებთ: ფერიის მთაზე საპატრიარქო სამონასტრო კომპლექსს აშენებს. 2007 წელს ადგილობრივი ხელისუფლების წარმომადგენლებმა ეკლესიის კედლები დაანგრიეს.
რა ბედი ეწევა ფერიის მთაზე მშენებარე კომპლექსს – ამის გარკვევა აჭარის ფინანსთა და ეკონომიკის მინისტრთან ვცადეთ. ვაჟა ბოლქვაძის თქმით, ინვესტორს ხელშეკრულების თანახმად, ფერიის მთაზე გრანდიოზული ტაძრის მშენებლობა ც ევალება. მშენებლობის კონკრეტული ვადები და მასშტაბები მას შემდეგ გახდება ცნობილი, რაც ინვესტორი საპატრიარქოსთან მემორანდუმს გააფორმებს. მინისტრის თქმით, წინასწარი შეთანხმება მიღწეულია და დოკუმენტი ამ დღეებში გაფორმდება.
Related Stories
