| ნაპოვნია თურქეთის ნაპირთან დაღუპული ქართველი მეზღვაურის გვამი |
|
02/02/2012 10:56 (111 დღე 18:17 minutes ago) | ||||||||||||
|
მაშველებმა იპოვეს ქართველი მეზღვაურის გვამი, რომელიც შავ ზღვაში, გუშინ საღამოს სატვირთო გემის ჩაძირვას ემსხვერპლა, თურქეთის პოსტ ალიაგასთან ახლოს.
საქართველოს საზღვაო სააგენტოს ხელმძღვანელის, ირაკლი შარაბიძის თქმით, დაღუპული მეზღვაური ქალაქ ფოთის მკვიდრი მურმან დარსაძეა, რომელიც გემზე მექანიკოსად მუშაობდა.
სატვირთო გემი Vera გუშინ საღამოს ჩაიძირა. კამბოჯის დროშით მცურავ გემზე, რომელსაც რუსეთიდან თურქეთში ჯართი მიჰქონდა, 10 უკრაინელი და ერთი ქართველი მეზღვაური იმყოფებოდნენ. თურქეთის ტრანსპორტის სამინისტრო კატასტროფის მიზეზად ქარიშხალს ასახელებს. მაშველებმა ჯერჯერობით სამი მეზღვაურის გადარჩენა შესძლეს. დანარჩენები დაკარგულად ითვლებიან. სამაშველო სამუშაოები გრძელდება.
სტატია მომზადებულია რადიო თავისუფლების ქართული რედაქციის მიერ. პირველად გამოქვეყნდა რადიო თავისუფლების ვებგვერდზე.
მხოლოდ დარეგისტრირებულ მომხმარებლებს, ან ფეისბუკის ქსელის წევრებს შეუძლიათ კომენტარის დაწერა! |
|
|
