ქარბუქისა და ნამქერის გამო, თბილისში შემოსავლელ გზასა და კახეთის მიმართულებით გადაადგილება შეფერხებულია.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
როგორც "ინტერპრესნიუსს" გზების დეპარტამენტში განუცხადეს, ხილვადობა გართულებულია, რაც მოძრაობის შეფერხების მიზეზი გახდა.
"ბაკურციხიდან თელავის ჩათვლით საშინელი ქარბუქი და ნამქერია. ამის გამო მოძრაობა შეფერხებულია, თუმცა იმისთვის, რომ გზებზე მანქანების ჩახერგვა არ მოხდეს, ადგილზე საპატრულო პოლიციის თანამშრომლები არიან მობილიზებული. ანალოგიური სიტუაციაა თბილისში შემოსავლელ გზაზე, რომელის სატრანზიტო მოძრაობისთვისაა განკუთვნილი და რომლითაც ტრაილერები დედაქალაქის გვერდის ავლით გადაადგილდებიან", - აცხადებენ გზების დეპარტამენტში.
რაც შეეხება სხვა ტერიტორიებს, რიკოთის უღელტეხილზე მოძრაობა, ტრაილერების გარდა, ყველა სახის ავტოტრანსპორტისთვის არის დაშვებული, ნაქერალას უღელტეხილზე კი, გადაადგილება მოცურების საწინააღმდეგო ჯაჭვების გამოყენებით ხდება.
შეზღუდვები გრძელდება გუდაური-კობის მონაკვეთზე, სადაც გადაადგილება მისაბმელიანი, ნახევრადმისაბმელიანი ავტოტრანსპორტისა და 30 ადგილზე მეტი ტევადობის ავტობუსებისათვის კვლავ შეზღუდულია. დანარჩენი სახის ავტროტრანსპორტისთვის კი, მოძრაობა დასაშვებია მოცურების საწინააღმდეგო ჯაჭვებით.
Related Stories
