პოსტ–საბჭოთა ქვეყნების დამსვენებლები საქართველოში ყველაზე ხშირად 3 და 4 ვარსკვლავიანი სასტუმროებით ინტერესდებიან. რადიო კომერსანტის ცნობით, ამის შესახებ commersant.ge–ს სასტუმროების ონლაინ რეზერვაციის ვებ-გვერდ ihotel.ge-ს დირექტორმა მიხეილ მაისურაძემ განუცხადა.

Email Print TwitterFacebookMySpace DelicousStumbleDigg More Destinations... ADVERTISEMENT This text is replaced by the Flash movie.

წაიკითხე სმარტფონში

მისი თქმით, ვებ-გვერდზე უკვე ბათუმის სასტუმროების ნომრების დაჯავშნაც შესაძლებელია. ამჟამად გვერდზე ბათუმის 13 სასტუმროა რეგისტრირებული და 15 ივლისამდე მათი რიცხვი 25-მდე გაიზრდება. ასევე სისტემაში დარეგისტრირებულია 5 ვარსკვლავიანი სასტუმრო ქობულეთში "ჯორჯია პალასი".

„ბათუმის სასტუმროებზე მოთხოვნა. მკვეთრად გაიზარდა. ძირითადი მოთხოვნა პოსტ საბჭოთა კავშირის ქვეყნებიდან არის. ყველაზე დიდი აქტიურობით უკრაინა გამოირჩევა და ამ ქვეყნიდან საქართველოში ჩამოსვლის მსურველები თითქმის ორჯერ აჭარბებენ მსურველებს სხვა დანარჩენი ქვეყნებიდან. უკრაინის შემდეგ ყველაზე აქტიური აზერბაიჯანია, ხოლო შემდეგ კი სომხეთი, თუმცა სომეხი ტურისტები უფრო იაფ დასვენებას ამჯობინებენ და სასტუმროების მაგივრად კერძო სექტორის მიერ გაქირავებულ ოთახებში არჩევენ ცხოვრებას,“ – აცხადებს მაისურაძე.

მისი ინფორმაციით, ყველაზე პოპულარული ბათუმის 3 და 4 ვარსკვლავებიანი სასტუმროებია, რომელთა ღირებულება დღეში საშუალოდ 50-70 ევროს შეადგენს.

ამ ეტაპზე ბათუმის სასტუმროებზე მოთხოვნა მინიმუმ 2-ჯერ უფრო მაღალია ვიდრე მოთხოვნა თბილისის სასტუმროებზე.

ihotel.ge არის საქართველოში არსებული სასტუმროების ონლაინ რეზერვაციის სამ ენოვანი (ინგლისური, რუსული, თურქული) ვებ-გვერდი, რომელიც წელიწადზე მეტია ფუნქციონირებს და მხოლოდ უცხოელ მომხმარებელზეა ორიენტირებული.

Related Stories

• ივნისში ყაზბეგში 4-ვარსკვლავიანი სასტუმრო გაიხსნება
• "რუმს–ბორჯომის" ადმინისტრაცია: საქართველოში ყველაზე მაღალი მოთხოვნა 5-ვარსკვლავიან სასტუმროებზეა
• უკრაინასა და საქართველოს შორის ავიარეისების რიცხვი გაიზრდება