გაზრდილი ფასებით უკმაყოფილო უცხოელი ტურისტები ტურიზმის საინფორმაციო ცენტრებს მიმართავენ, იუწყება რადიო კომერსანტი.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
ბაკურიანის ტურიზმის ცენტრის წარმომადგენლის განცხადებით, აზერბაიჯანელი ტურისტების მხრიდან არაერთხელ ყოფილა შენიშვნები სასტუმროების ფასებთან დაკავშირებით. მისივე განმარტებით, გაზრდილი ფასებით ტურისტებს ტუროპერატორები ემსახურებიან, ამიტომ დამსვენებლები ხშირად საკუთარი ძალებით ცდილობენ სასტუმროების დაჯავშნას.
ბაკურიანისგან განსხვავებით სვანეთის ტურიზმის საინფორმაციო ცენტრში ამტკიცებენ, რომ ტურისტების მხრიდან უკმაყოფილება არ ყოფილა და მსგავსი ფაქტების შესახებ ინფორმაცია არ გააჩნიათ.
ტურიზმის ეროვნული სააგენტოს ხელმძღვანელი გაორმაგებული ფასების შესახებ ინფორმაციას არ ფლობს. თუმცა, მაია სიდამონიძის თქმით, ზოგადად საქართველოში არსებული ფასები უცხოელისთვისაც და ადგილობრივისთვისაც სერვისთან შეუსაბამოა. მისივე განცხადებით, არ არის გამორიცხული ტურისტული კომპანიების მეშვეობით ჩამოსულ ტურისტებს ოდნავ მეტი თანხის გადახდა უწევდეთ, რადგან ტურისტული კომპანია საკომისიოს იღებს.
შეგახსენებთ: რადიო „კომერსანტმა“ გასულ კვირაში „ფაინენშალზე“ დაყრდნობით სპეციალური კვლევა გაავრცელა, რომლის მიხედვით უცხოელ ტურისტს საქართველოში დასვენებისათვის ორმაგი ფასების გადახდა უწევს.
Related Stories
