ქართულ ბაზარზე ეგვიპტის მიმართულებით ტურისტული მოთხოვნა შარშანდელი წლის ანალოგიური პერიოდის მაჩვენებელს დაუბრუნდა. რადიო კომერსანტის ცნობით, ამის შესახებ ტურისტულ კომპანია „კაპიტანი +’’–ში აცხადებენ, რომელიც აღნიშნული მიმართულებით ტურისტულ სეზონს 21 ნოემბრიდან ხსნის.

Email Print TwitterFacebookMySpace DelicousStumbleDigg More Destinations... ADVERTISEMENT This text is replaced by the Flash movie.

წაიკითხე სმარტფონში

„კაპიტანი +“ ბაზარზე ახლადშემოსული ავია კომპანია „ეარ ქაიროს“ ჩარტერული რეისით დამსვენებლებს შარმ ელ შეიჰში ჩაიყვანს. 21 ნოემბრის რეისზე 10–დღიანი ტურისტული პაკეტის ფასი 399 დოლარიდან იწყება და რეისები 8–დან 10 დღემდე ინტერვალებით შესრულდება. პროგრამა მარტის ბოლომდე გასტანს და მის ფარგლებში „კაპიტანი +’’ 1500-2000 მგზავრის გადაყვანას გეგმავს.

როგორც კომპანიაში ამბობენ, თებერვლის არეულობების შემდეგ ეგვიპტეში ტურისტული ნაკადები პრაქტიკულად შეწყდა, თუმცა, პოლიტიკური რეჟიმის შეცვლისთანავე სიტუაციამ გამოსწორება დაიწყო. მათი თქმით, წელს ამ მიმართულებაზე მოთხოვნა ქართულ ბაზარზე გასული წლის ანალოგიური პერიოდის მაჩვენებელს თითქმის გაუთანაბრდა. რაც შეეხება ფასებს, ისინი შარშანდელთან შედარებით შემცირებულია.

ცნობისთვის: ეგვიპტის მიმართულებით ტურისტული სეზონი ყველაზე აქტიური იანვარსა და თებერვალშია.

Related Stories

• ივნისში ყაზბეგში 4-ვარსკვლავიანი სასტუმრო გაიხსნება
• "რუმს–ბორჯომის" ადმინისტრაცია: საქართველოში ყველაზე მაღალი მოთხოვნა 5-ვარსკვლავიან სასტუმროებზეა
• უკრაინასა და საქართველოს შორის ავიარეისების რიცხვი გაიზრდება