ეგვიპტეში პარლამენტის ქვედა პალატის, ეროვნული ასამბლეის არჩევნების დასკვნითი, მესამე ეტაპი მიმდინარეობს.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
როგორც ინტერპრესნიუსი იუწყება, "როიტერის" ცნობით, საარჩევნო უბნები ადგილობრივი დროით 08:00 საათზე გაიხსნა. არჩევნები ორი დღის განმავლობაში გაგრძელდება.
წინა ორი ტურის შედეგად, რომლებიც ნოემბრის ბოლოსა და დეკემბრის დასაწყისში გაიმართა, პირველ ადგილზე გავიდნენ ისლამისტები - "ძმები მუსულმანები", მეორე ადგილზე ულტრაკონსერვატიული პარტია "ნური", ხოლო ლიბერალურმა კოალიციამ "ეგვიპტური ბლოკი", მესამე ადგილი მოიპოვა.
ეგვიპტის მოქალაქეებმა ზედა პალატის დეპუტატებიც უნდა აირჩიონ. ეგვიპტის სამხედრო საბჭოს ცნობით, ზედა პალატის დეპუტატების არჩევნები ორ ეტაპად, 29-30 იანვარსა და 14-15 თებერვალს გაიმართება.
ეგვიპტეში არჩევნები პრეზიდენტ ჰოსნი მუბარაქის გადადგომის შემდეგ დაინიშნა, რომელიც ქვეყანას 30 წლის განმავლობაში მართავდა. მუბარაქის გადადგომის შემდეგ, ხელისუფლება უმაღლესი სამხედრო საბჭოს ხელში გადავიდა.
Related Stories
