| აშშ არ შეამცირებს სამხედრო ხომალდების რიცხვს სპარსეთის ყურეში |
|
04/01/2012 11:08 (140 დღე 20:37 minutes ago) | ||||||||||||
|
ირანის მუქარის მიუხედავად, აშშ არ შეამცირებს სპარსეთის ყურეში თავისი ხომალდების რაოდენობას, განაცხადა პენტაგონის წარმომადგენელმა, ჯორჯ ლიტლმა, რომელმაც თქვა, რომ ახლო აღმოსავლეთში ავია მზიდების ყოლა საჭიროა ავღანეთში აშშ-ის არმიის ოპერაციების უზრუნველსაყოფად.
უფრო ადრე ერთ-ერთმა ამერიკელმა სამხედრო მეთაურმა, ბილ სპიკსმა თქვა, რომ აშშ-ის სამხედრო ყოფნა სპარსეთის ყურეში რეგიონში კომერციული ტრანსპორტის უზრუნველსაყოფადაა საჭირო. ირანის არმიის მეთაურმა, ათაოლა სალეჰიმ მუქარა გამოაქვა აშშ-ის მიმართ, რომ ზომებს მიმართავს, თუ აშშ-ის ავია მზიდი დაბრუნდება სპარსეთის ყურეში.
მას არ დაუზუსტებია, რომელ ხომალდს გულისხმობდა. თეთრი სახლის წარმომადგენელმა, ჯეი კარნიმ განაცხადა, რომ თეირანის ეს მუქარა ადასტურებს, რომ ის იზოლირებლია, სანქციების გამო ეკონომიკური პრობლემები აქვს და სურს ყურადღება ამ პრობლემებიდან გადაიტანოს.
სტატია მომზადებულია რადიო თავისუფლების ქართული რედაქციის მიერ. პირველად გამოქვეყნდა რადიო თავისუფლების ვებგვერდზე.
მხოლოდ დარეგისტრირებულ მომხმარებლებს, ან ფეისბუკის ქსელის წევრებს შეუძლიათ კომენტარის დაწერა! |
|
|
