გერმანიის პრეზიდენტმა კრისტიან ვულფმა საჯაროდ ბოდიში მოიხადა.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
პირWელის ცნობით, ერთ-ერთი გერმანული ტელევიზიის პირდაპირ ეთერში ვულფმა განაცხადა, რომ გაზეთ "ბილდის" მთავარ რედაქტორს არა სტატიის არგამოქვეყნება, არამედ მისი დაბეჭდვის ერთი დღით გადადება სთხოვა.
"მე კანონი არც პრეზიდენტობის პერიოდში და არც მანამდე დამირღვევია, მაგრამ მესმის, რომ აუცილებელია, ჩემი საქციელი ავხსნა. მიმაჩნია, რომ ეს საქციელი გამოძიების საფუძველს არ იძლევა, თუმცა უნდა ვაღიარო, რომ გაზეთ "ბილდის" მთავარ რედაქტორთან პირველივე სატელეფონო ზარი დიდი შეცდომა იყო და მე მას ძალიან ვნანობ. ამის შემდეგ მე მას მოვუბოდიშე და გაზეთმა ეს ბოდიში მიიღო", - განაცხადა ვულფმა.
შეგახსენებთ, რომ გერმანიის პრეზიდენტს გაზეთ "ბილდის" რედაქციაზე გავლენის მოხდენაში ადანაშაულებდნენ. ვულფი ცდილობდა, სტატია, რომელიც მის მიერ სახლის საყიდლად კრედიტის აღებას ეხებოდა და პრეზიდენტს კორუფციულ გარიგებაში ამხელდა, გაზეთში არ გამოქვეყნებულიყო.
Related Stories
