| სავალუტო ფონდის ხელმძღვანელს ევროს შესაძლო გარდაცვალების არ სჯერა |
|
06/01/2012 15:28 (138 დღე 16:42 minutes ago) | ||||||||||||
 საერთაშორისო სავალუტო ფონდის ხელმძღვანელს ერთიანი ევროპული ვალუტის გარდაცვალების არ სჯერა.
როგორც რადიო კომერსანტი იუწყება, კრისტინ ლაგარდის განცხადებით, ევროზონაში არსებული კრიზისის მიუხედავად ერთიანი ევროპული ვალუტა 2012 წელს გადაიტანს. „გახდება ევროსთვის 2012 ბოლო წელი? მე ასე არ ვფიქრობ. ეს ახალგაზრდა ვალუტაა და ამასთან მყარია“–განაცხადა აფრიკაში ვიზიტისას კრისტინ ლაგარდმა. მისი თქმით, ევროს ზონაში არსებობს სერიოზული პრობლემები რაც სუვერენულ ვალებს ეხება, თუმცა თავად ვალუტას გაქრობა არ ემუქრება.
კრისტინ ლაგარდის ეს განცხადებები ევროკავშირის სამიტამდე სამი კვირით ადრე გაჟღერდა. 30 იანვარს ევროპელი ლიდერები ბრიუსელში შეიკრიბებიან და კრიზისის დაძლევის გზების მოძებნას კიდევ ერთხელ შეეცდებიან.
შეგახსენებთ: ევროპული კრიზისის შესაძლო გავლენაზე საქართველოს მთავრობაში უკვე საუბრობენ. ქვეყნის პრემიერის განცხადებით, ერთ-ერთი ასეთი ფაქტორი ევროკავშირში საქართველოდან ექსპორტირებულ პროდუქციაზე ფასების ვარდნა იქნება. პრემიერის ვარაუდით, ევროპის კრიზისმა გავლენა შესაძლოა ფულად გადმორიცხვებზეც იქონიოს.
მხოლოდ დარეგისტრირებულ მომხმარებლებს, ან ფეისბუკის ქსელის წევრებს შეუძლიათ კომენტარის დაწერა! |
|
|
