საინვესტიციო კომპანია "გრანდის კაპიტალის"
ანალიტიკოსების ინფორმაციით, ევროზონის ლიდერები საბერძნეთის
ევროკავშირიდან გარიცხვას არ გამორიცხავენ.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
პირWელის ცნობით, როგორც ექსპერტები აღნიშნავენ, 8-9 იანვარს გამართული გერმანულ-ფრანგული სამიტის შემდეგ საფრანგეთის პრეზიდენტმა ნიკოლა სარკოზიმ და გერმანიის კანცლერმა ანგელა მერკელმა განაცხადეს, რომ "ორივე ქვეყანა მზადაა, ყველა ღონისძიება გამოიყენოს, რათა საბერძნეთი ევროზონაში დარჩეს".
"მერკელმა კიდევ ერთხელ მოუწოდა საბერძნეთის მთავრობას, რომ საერთაშორისო კრედიტორებთან უკვე მიღწეული შეთანხმების დასაცავად ყველა ზომა მიიღოს. ბერძნები ფინანსურ დახმარებას მხოლოდ ამ შემთხვევაში მიიღებენ. ამასთან, დღეს მერკელი აპირებს, საბერძნეთისთვის საერთაშორისო სავალუტო ფონდის დახმარების საკითხი განიხილოს", - ნათქვამია საინვესტიციო კომპანიის ყოველდღიურ ანალიტიკურ მიმოხილვაში.
ამასთან, ექსპერტების აზრით, "მსგავსი განცხადებები გარკვეულწილად განსხვავდება იმათგან, რომელიც სულ რაღაც ნახევარი წლის წინ ისმოდა".
"ევროზონის ლიდერები არ გამორიცხავენ, რომ საბერძნეთი კავშირიდან გარიცხონ, ინვესტორები კი სიტუაციის ამგვარად განვითარებისთვის მზად არიან. ჩვენ ვვარაუდობთ, რომ პროცესები იმპულსებს მიმდინარე წლისთვის შეიძენს. რაც შეეხება საბიუჯეტო პაქტს, რომელიც სრულად უნდა იქნას მოწონებული მაქსიმუმ, მარტისათვის, როგორც მერკელმა აღნიშნა, იგი პროცესის მიმდინარეობით კმაყოფილია. ამასთან, მან არ გამორიცხა, რომ დოკუმენტს უკვე ევროკავშირის სამიტისთვის მოეწეროს ხელი, რომელიც 30 იანვრისთვისაა დაგეგმილი. გარდა ამისა, გერმანია და საფრანგეთი შეთანხმდნენ, შემოიღონ გადასახადი ფინანსური ტრანზაქციებისთვის" - აცხადებენ ექსპერტები.
Related Stories
