ევროკავშირი ირანულ ნავთობზე ემბარგოს 23 იანვარს გამოაცხადებს.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
ინტერპრესნიუსის ცნობით, აღნიშნული ინფორმაცია დიპლომატიურ წყაროზე დაყრდნობით ვრცელდება . სააგენტო"იტარ-ტასის" ცნობით, ემბარგოს საკითხზე ევროკავშირის საგარეო საქმეთა მინისტრების შეხვედრა 30 იანვრისთვის იყო დაგეგმილი, თუმცა, სამიტის თარიღმა ერთი კვირით გადმოიწია.
როგორც ცნობილია, აშშ და ევროპის წამყვანი ქვეყნები (საფრანგეთი, ინგლისი, გერმანია) კატეგორიულად ითხოვენ ირანის ნავთობის ექსპორტზე ემბარგოს დაწესებას. თავის მხრივ კი, ირანი იმუქრება, რომ ემბარგოს დაწესების შემთხვევაში ორმუზის სრუტეს გადაკეტავს. ორმუზის სრუტით ახლო აღმოსავლეთის ქვეყნების ნავთობის მნიშვნელოვანი ნაწილის ექსპორტი ხორციელდება. ორმუზის სრუტის დახურვის შემთხვევაში, ვაშინგტონი ირანს ძალის გამოყენებით ემუქრება.
დღეისათვის ირანული ნავთობის ექსპორტი დღე-ღამეში 2,6 მლნ ბარელს შეადგენს. ირანიდან ნავთობის იმპორტზე მნიშვნელოვნად არიან ასევე დამოკიდებული თურქეთი, ინდოეთი, სამხრეთ კორეა, იაპონია.
გარდა ამისა, ევროპაში ირანული ნავთობის ძირითადი მომხმარებელი ქვეყნები, როგორებიც არიან საბერძნეთი, იტალია, ესპანეთი, ჰოლანდია, ითხოვენ, რომ ირანული ნავთობის ექსპორტზე ემბარგოს მოქმედება არ იყოს მყისიერი და აკრძალვა ეტაპობრივად განხორციელდეს.
Related Stories
