პოლონეთის ყოფილი პრეზიდენტის, ლეხ კაჩინსკის თვითმფრინავში, პილოტების
კაბინაში მითითებებს ქვეყნის შეიარაღებული ძალების მეთაური, გენერალი ანჯეი
ბლასიკი არ გასცემდა, იუწყება ინტერპრესნიუსი.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
"ბი-ბი-სი"-ს ცნობით, პოლონეთის სამხედრო პროკურატურის წარმომადგენელი აცხადებს, რომ ბლასიკი ეჭვმიტანილი იყო პილოტებზე ზეწოლაში, თუმცა ჩანაწერში მისი ხმა არ ისმის.
ამგვარი დასკვნა პროკურატურამ მას შემდეგ გააკეთა, რაც საუბრის ჩანაწერები ექსპერტებმა კიდევ ერთხელ შეისწავლეს. ამასთან, ვარშავა არ აკონკრეტებს, ვისია ხმა, რომელიც ამ დრომდე გენერალ ბლასიკის ეგონათ.
გასული წლის ზაფხულში, რუსეთში განთავსებულმა საერთაშორისო საავიაციო კომიტეტმა, რომელიც ავია კატასტროფის მიზეზებს იძიებდა, გაავრცელა ინფორმაცია, რომ "ტუ-154"-ის ჩამოვარდნის მომენტში კაბინაში მყოფი გენერალი ბლასიკი პილოტებზე ფსიქოლოგიურ ზემოქმედებას ახდენდა.
პოლონეთის პროკურატურის ცნობით, ერთმნიშვნელოვანი მტკიცებულება იმისა, რომ გენერალი პილოტების კაბინაში იმყოფებოდა, არ არსებობს.
"სამწუხაროდ, შეუძლებელია იმის თქმა, რა გახდა კატასტროფის ზუსტი მიზეზი",- განაცხადა სამხედრო პროკურატურის წარმომადგენელმა.
პოლონეთის პრეზიდენტის, ლეხ კაჩინსკის თვითმფრინავმა კატასტროფა სმოლენსკთან, 2010 წლის 10 აპრილს განიცადა. ბორტზე მყოფი 96-ვე ადამიანი დაიღუპა. მათ შორის, პრეზიდენტი კაჩინსკი, მისი მეუღლე და პოლონეთის ხელისუფლების მაღალჩინოსნები.
Related Stories
