| ბრიტანეთი იძიებს მათი ჯარისკაცების სისასტიკის ფაქტს |
|
18/01/2012 18:38 (126 დღე 14:18 minutes ago) | ||||||||||||
|
ბრიტანეთის თავდაცვის სამინისტრომ დაიწყო გამოძიება პრესაში გამოქვეყნებული იმ ცნობებისა, რომლის თანახმად ორ ბრიტანელი ჯარისკაცი ეჭვმიტანილია ავღანელი ბავშვების მიმართ მკაცრ მოპყრობაში.
სამინისტროს ოფიციალური წარმომადგენლის ინფორმაციით, ბრალდებებს ბრიტანეთის სამხედრო პოლიცია გამოიძიებს. გაზეთ „სანის“ თანახმად ორი ბრიტანელი ჯარისკაცი დააკავეს 10 წლის ავღანელი ბიჭისა და გოგოს მიმართ შეურაცხმყოფელი მოპყრობის გამო, რაც ვიდეოფირზეა გადაღებული.
ავღანეთში კოალიციის შემადგენლობაში 9500 ბრიტანელი სამხედრო მოსამსახურე იმყოფება. ავღანეთის ხელისუფლება ფაქტის გამოძებას და დამნაშავეების დასჯას ითხოვს. ერთი კვირით ადრე „იუტუბით“ გავრცელდა ვიდეოჩანაწერი, რომელზეც ასახულია როგორ აშარდავს აშშ-ის ოთხი საზღვაო ქვეითი თალიბანის მეომართა ცხედრებს.
სტატია მომზადებულია რადიო თავისუფლების ქართული რედაქციის მიერ. პირველად გამოქვეყნდა რადიო თავისუფლების ვებგვერდზე.
მხოლოდ დარეგისტრირებულ მომხმარებლებს, ან ფეისბუკის ქსელის წევრებს შეუძლიათ კომენტარის დაწერა! |
|
|
