| ერთი წელი შესრულდა ”დომოდედოვოში” ტერაქტიდან |
|
24/01/2012 11:34 (120 დღე 21:45 minutes ago) | ||||||||||||
|
მოსკოვში ”დომოდედოვოს” აეროპორტში ერთი წლის წინ მოწყობილი ტერაქტის დროს დაღუპულებს იხსენებენ.
აფეთქება მოაწყო თვითმკვლელმა ტერორისტმა მაგომედ ევლოევმა. დაიღუპა 37 ადამიანი, დაიჭრა - 173. რუსეთის საგამოძიებო კომიტეტის წარმომადგენლის ვლადიმირ მარკინის ცნობით, ტერაქტის ორგანიზებაში მონაწილეობდა დაჯგუფება ”იმარატ კავკაზის” 28 წევრი ჩრდილოეთ კავკასიაში ტერორისტების ლიდერ დოკუ უმაროვთან ერთად.
ოთხი მათგანი დაკავებულია, კიდევ 6 პირი იძებნება. გამოძიება ამოწმებს ინფორმაციას 2011 წლის სექტემბერში სტამბოლში კიდევ ორი ეჭვმიტანილის სიკვდილის შესახებ. მარკინის თანახმად, გასული წლის მარტში სპეცოპერაციის შედეგად დაჯგუფების 17 წევრი მოკლეს.
სტატია მომზადებულია რადიო თავისუფლების ქართული რედაქციის მიერ. პირველად გამოქვეყნდა რადიო თავისუფლების ვებგვერდზე.
მხოლოდ დარეგისტრირებულ მომხმარებლებს, ან ფეისბუკის ქსელის წევრებს შეუძლიათ კომენტარის დაწერა! |
|
|
