მას შემდეგ, რაც სირიის ხელისუფლებამ დედაქალაქში უსაფრთხოების დამატებითი
ძალები და მძიმე არტილერია შეიყვანა, ქალაქის გარეუბნებში შეტაკებები
დაიწყო.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
სამთავრობო არმიის 2 000-კაციან ქვედანაყოფს ზურგს ტანკები და სამხედრო მანქანები უმაგრებდნენ.
შეტაკებები დამასკოს სულ ცოტა ოთხ უბანში მოხდა, ქალაქში, რომელიც უდიდესია სახელმწიფოში და სადაც პრეზიდენტის, ბაშარ ალ ასადის, რეზიდენციაა განთავსებული. შეტევა ძირითადად სუნიტი მუსლიმებით მჭიდროდ დასახლებულ რაიონებში განხორციელდა, განსაკუთრებული სიძლიერით კი - აღმოსავლეთ გარეუბანში, რომელსაც ხელისუფლება უკანასკნელი ორი კვირის მანძილზე ვეღარ აკონტროლებდა.
უფლებადამცველების განცხადებით კვირის შეტაკებებს 72 ადამიანი ემსხვერპლა. მათ შორის 41 სამოქალაქო პირი იყო. დაღუპული მოსახლეობის უმრავლესობა დამასკოს გარეუბნებში და ცენტრალურ ქალაქებში, ჰომსში და ჰამაში, ცხოვრობდა. მონაცემები დამოუკიდებელი წყაროების საშუალებით არ მოწმდება, ვინაიდან სირია უცხოელი ჟურნალისტების დაშვებას და მათ თავისუფალ მიმოსვლას ძველებურად ზღუდავს.
სტატია მომზადებულია ამერიკის ხმის ქართული
რედაქციის მიერ. პირველად გამოქვეყნდა ამერიკის ხმის ვებ გვერდზე.
Related Stories
