რუსეთის საგარეო საქმეთა მინისტრ სერგეი ლავროვის აზრით, ირანული ნავთობის აკრძალვა ევროკავშირს კარგს არაფერს მოუტანს.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
"ევროკავშირში ირანული ნავთობი აღარ შევა - ეს ევროპულ სანქციებზე თეირანის ლოგიკური პასუხია, რომელიც კარგს არაფერს მოიტანს", - აღნიშნა ლავროვმა, იუწყება ინტერპრესნიუსი.
23 იანვარს, ევროკავშირის წევრი ქვეყნები ირანული ნავთობის ემბარგოზე თავად შეთანხმდნენ. გადაწყვეტილება ორგანიზაციის საგარეო საქმეთა მინისტრების შეხვედრაზე მიიღეს. შეთანხმების მიხედვით, ირანიდან ნავთობპროდუქტების იმპორტზე ახალი კონტრაქტების გაფორმება იკრძალება, ხოლო უკვე არსებული შეთანხმებების მოქმედების ვადა 1-ელ ივლისამდე განისაზღვრა. ევროკავშირმა აღნიშნულის მიზეზად ირანის მიერ ბირთვულ პროგრამაზე მუშაობა დაასახელა.
ევროკავშირის გადაწყვეტილებიდან რამდენიმე დღეში ირანის პარლამენტმა კანონპროექტზე მუშაობა დაიწყო, რომლითაც თეირანი ევროკავშირისთვის ნავთობის ექსპორტირების შეწყვეტას საკუთარი სურვილის საფუძველზე აპირებდა.
კანონპროექტზე მუშაობა უკვე დასრულებულია.
Related Stories
